جاڭاوزەندە پوليسيا قىزمەتكەرىنە پارا بەرگەن ەر ادامعا 500 000 تەڭگە ايىپپۇل سالىندى. بۇل تۋرالى Polisia.kz حابارلادى.
پورتالدىڭ حابارلاۋىنشا، كولىك جۇرگىزۋشىسى قىزىل تۇسكە ءوتىپ كەتىپ، زاڭسىزدىعىن جاسىرۋ ءۇشىن ءتارتىپ ساقشىسىنا ەكى مىڭ تەڭگە پارا ۇسىنعان. ناتيجەسىندە وعان جارتى ميلليون تەڭگە كولەمىندە ايىپپۇل سالىندى.
قازاقستاننىڭ اكىمشىلىك قۇقىق بۇزۋشىلىق تۋرالى كودەكسىنىڭ 676-بابى ("جەكە تۇلعالاردىڭ زاڭسىز ماتەريالدىق سىياقى بەرۋى") بويىنشا سوت تالقىلاۋى جۇرگىزىلدى.
جاڭاوزەن قالاسىنىڭ اكىمشىلىك سوتى قۇقىق بۇزۋشىنى كىنالى دەپ تانىدى. وعان 200 اەك نەمەسە 555 600 تەڭگە كولەمىندە ايىپپۇل سالىندى.
پىكىر قالدىرۋ