«الماتى» تك Akimat Live باعدارلاماسى ەفيرىندە قالا اكىمى ب. ساعىنتايەۆ كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى وزەكتى سۇراقتارعا جاۋاپ بەردى.

اعىمداعى جىلدىڭ 5 تامىزىنداعى جاعداي بويىنشا الماتىدا COVID-19ء-تىڭ 12641 جاعدايى تىركەلدى. تاۋلىك ىشىندە 176 جاڭا جاعداي انىقتالدى. بارلىعى 7590 ادام ەمدەلىپ شىقتى، بۇل ناۋقاستاردىڭ 60%-ىن قۇرايدى. تاۋلىك ىشىندە 504 ادام ەمدەلىپ شىقتى. وسى ۋاقىت ىشىندە العاش رەت وڭ ءۇردىس بايقالدى، وندا ساۋىعىپ شىققانداردىڭ سانى اۋرۋحانادا جاتقانداردىڭ سانىنان 3،3 ەسە ارتىق.

بارلىق دەڭگەيدەگى دارىگەرلەردىڭ ۇيلەسىمدى جۇمىسىنىڭ ارقاسىندا جۇزدەن استام ناۋقاستىڭ جاعدايى تۇراقتالىپ، ولار جانساقتاۋ بولىمىنەن پالاتالارعا اۋىستىرىلدى.

ۆيرۋستى جەدەل جۇقتىرۋشىلاردى انىقتاۋ ءۇشىن الماتى قالاسىنىڭ اكىمى بۇگىنگى كۇنى زەرتتەۋ جۇمىستارىنىڭ قارقىندى جۇرگىزىلگەندىگىن، زەرتحانالاردىڭ قۋاتتىلىعى 2،5 مىڭنان 9،5 مىڭعا دەيىن ارتقانىن، زەرتتەۋ كولەمىنىڭ كۇنىنە 19،5 مىڭعا دەيىن ۇلعايعانىن اتاپ ءوتتى.

بۇگىنگى كۇنى شامامەن 435 مىڭ زەرتتەۋ جۇرگىزىلدى. ياعني، قالا تۇرعىندارىنىڭ شامامەن 15-17%-ى سىناقتان ءوتتى. 100 مىڭ تۇرعىنعا شاققاندا بۇل ەۋروپا ەلدەرىندە وتكىزىلگەن تەستىلەۋ دەڭگەيىنە ساي.

«ءبىز ءۇشىن مەديسينا ۇيىمدارىنا تۇسەتىن جۇكتەمەنىڭ ناقتىلى كورىنىسىن كورۋ ماڭىزدى. ياعني، دارى-دارمەكتەردىڭ قاجەتتى قورىن قۇرۋ، دارىگەرلەرگە تۇسەتىن جۇكتەمەنى ەسەپتەۋ جانە ت.ب. بۇل كورسەتكىشتەر بارىنشا ناقتى بولسا، كۆي-مەن كۇرەستىڭ پارمەندىلىگى ارتادى»، — دەپ اتاپ ءوتتى ب. ساعىنتايەۆ.

وسىعان بايلانىستى، 2 كوپسالالى اۋرۋحانالار بىرتىندەپ قالىپتى جۇمىس رەجيمىنە ورالۋدا، بۇلار №4 جانە №7 قالالىق كلينيكالىق اۋرۋحانالار.

سونىمەن قاتار، پاندەميانىڭ جاڭا تولقىنىنا دايىندىق اياسىندا اۋىر ناۋقاستار ءۇشىن ءبىرىنشى ەشەلونداعى ينفەكسيالىق ستاسيونارلارداعى توسەك-ورىنداردىڭ قۋاتتىلىعى 1015-كە ۇلعايادى. سونداي-اق، تامىز ايىنىڭ سوڭىندا 500 ورىندى جاڭا اۋرۋحانا ىسكە قوسىلادى. قىركۇيەك ايىنىڭ ورتاسىنا دەيىن – 300 ورىندى جەدەل سالىناتىن جۇقپالى ناۋقاستار اۋرۋحاناسى، جەكە ينۆەستيسيالار ەسەبىنەن 1 قازانعا دەيىن ەكى ءقوناقۇي بازاسىندا 215 ورىندى تولىققاندى كوۆيدتى كلينيكالار ىسكە قوسىلادى.

قالالىقتاردىڭ سۇراقتارىنا جاۋاپ بەرە وتىرىپ، ب. ساعىنتايەۆ ستاسيونارلاردى ورتالىقتاندىرىلعان مەديسينالىق گازبەن قامتاماسىز ەتۋ تۋرالى ايتتى. ال بۇل 1500 توسەك-ورىن.

بۇدان وزگە، بارلىق كوۆيدتى اۋرۋحانالاردا ب جانە ۆ سىنىپتاعى مەديسينالىق قالدىقتاردى جويۋ، سونىمەن قاتار توقتاۋ سۋلاردى زالالسىزداندىرۋ جۇيەلەرى بويىنشا زاماناۋي تەرمينالدار سالۋ جوسپارلانعان.

سونىمەن بىرگە، قاجەتتى مەديسينالىق قۇرالدارمەن جابدىقتاۋ جۇمىستارى جۇرگىزىلۋدە. جىل باسىنان بەرى 10،5 مىڭنان استام اپپارات ساتىپ الىندى، ونىڭ ىشىندە 252 ءوجج اپپاراتى، 1050 وتتەگى كونسەنتراتى، 5 كت، 33 رەنتگەن قوندىرعىسى. تامىز ايىنىڭ اياعىندا جەرگىلىكتى بيۋدجەتتىڭ ەسەبىنەن قوسىمشا 1050 دانا وتتەگى كونسەنتراتى جەتكىزىلەدى. قىركۇيەكتىڭ ورتاسىنا دەيىن – 379 ءوجج اپپاراتى.

قالا اكىمى ءوزىن-وزى وقشاۋلاۋ رەجيمىن بۇزۋشى سيمپتومسىز ۆيرۋس جۇقتىرۋشىلارعا قولدانىلعان شارالارعا جەكە توقتالدى. 2020 جىلدىڭ 3 تامىزىنان باستاپ الماتى قالاسىندا COVID-19 كوروناۆيرۋس ينفەكسياسى تارالۋىن بولدىرماۋ ءۇشىن قوسىمشا شەكتەۋ شارالارى ەنگىزىلدى. بۇل كۆي دياگنوزى راستالعان ادامداردىڭ ءوزىن-وزى وقشاۋلاۋ شارالارى.

ەگەر پتر-تەستىلەۋدىڭ وڭ ناتيجەسى انىقتالعان جاعدايدا، ناۋقاس ادامعا بەلگىلەنگەن ەرەجەلەردى ساقتاۋ تۋرالى حابارلاما جىبەرىلەدى. وعان ءۇي كارانتينى ەرەجەلەرىن بۇزعان جاعدايدا جاۋاپكەرشىلىككە تارتىلاتىنى (اكىمشىلىك ايىپپۇلدى قوسا) ەسكەرتىلەدى.

بۇگىنگى تاڭدا كۆي-دى جۇقتىرعان 8 سيمپتومسىز ناۋقاس ارنايى ستاسيونارعا وقشاۋلاندى. 30 اەك كولەمىندە ايىپپۇل سالىندى. ەگەر ولار وزگەلەرگە اۋرۋ جۇقتىراتىن بولسا، وندا قىلمىستىق جاۋاپكەرشىلىككە تارتىلۋى مۇمكىن.

الماتى اكىمى ب. ساعىنتايەۆ كۆي-مەن كۇرەسۋگە ىقپال ەتەتىن سيفرلىق شەشىمدەر تۋرالى حابارلادى. مىسالى، قوعامدىق كولىكتەردە «ماسكا رەجيمىنىڭ» ىقتيمال بۇزۋشىلارىن انىقتايتىن جۇيە سىناقتان وتكىزىلۋدە، بۇل جولاۋشىلار اراسىنداعى الەۋمەتتىك قاشىقتىقتىڭ ساقتالۋىن انىقتاۋعا مۇمكىندىك بەرەدى. سونىمەن بىرگە ءدارىحانالاردا دارى-دارمەكتەردىڭ قانشا قالعاندىعىن انىقتايتىن قوسىمشا ازىرلەندى.