قازاق قايىرىمدىلىق جاساپ، قايىرىن كورگەن حالىق. دانا بابالارىمىزدىڭ ىلكىمدى ىستەرىن جالعاپ جۇرگەن «قارەكەت» قايىرىمدىلىق قورىنىڭ دەمەۋشىلەرى كوپتەگەن وتباسىنا قۋانىش سىيلاپ جۇرگەنىن ءبارىمىز جاقسى بىلەمىز. جومارت جاندار وسى جولى  قالا تۇرعىنى، جەتى بالانىڭ اناسى راۋشان مومبەكوۆاعا باسپانا كىلتىن تارتۋ ەتتى.

الماتى وبلىسى ورتالىعىنداعى «جاستار» ساياباعىندا ەڭبەك ەتەتىن باتىر اناعا شاڭىراق كىلتىن «قارەكەت» قايىرىمدىلىق قورىنىڭ وبلىستاعى مۇشەلەرى جانە ايتىسكەر اقىن، «الاتاۋ» گازەتىنىڭ باس رەداكتورى ايتاقىن بۇلعاقوۆ تابىستادى. «قارەكەت» قورى ەلىمىزدىڭ بارلىق قالالارى مەن ايماقتارىندا قايىرىمدىلىق ىسىمەن بەلسەندى اينالىسىپ كەلەدى. باتىر اناعا بەرىلگەن باسپانا رەسپۋبليكا بويىنشا 275ء-شى بولسا، وبلىس بويىنشا 18ء-ىنشى ءۇي. جىلدار بويى ارمانداعان باسپاناسىنا قول جەتكىزگەن كوپبالالى انا قۋانىشتان كوزىنە جاس الىپ، بارشا قايىرىمدى جانعا العىس ايتتى.

 – «جىرتىق ءۇيدىڭ قۇدايى بار». جولداسىم ومىردەن وتكەن سوڭ بارلىق جاۋاپكەرشىلىك ءوز موينىما ارتىلدى. تاعدىر وڭاي ەمەس قوي. بۇل بالالارىمنىڭ نەسىبەسى. ەكى قىزىم تۇرمىستا. كەنجەم 4 جاستا. وسىنداي قۋانىش مەنىڭ وتباسىمدا بولىپ جاتقانىنا ءالى دە سەنە الار ەمەسپىن. مەن ءۇشىن توسىنسىي بولدى. ەڭ باستىسى ءۇمىت ۇزبەۋ كەرەك. قايىرىمدىلىق قورىنا، حالقىما مىڭ العىسىمدى بىلدىرەمىن. قۋانىشىمدا شەك جوق، – دەيدى راۋشان مومبەكوۆا.