اقتاۋدا پاراشيۋتپەن سەكىرۋ كەزىندە جاراقات العان اسكەري قىزمەتكەر اۋرۋحانادا قايتىس بولدى، دەپ حابارلادى وبلىستىڭ دەنساۋلىق ساقتاۋ باسقارماسى.
– مۇراتجان جاماۋوۆ كەشە، 1 قىركۇيەكتە ماڭعىستاۋ وبلىستىق اۋرۋحاناسىندا قايتىس بولدى. دارىگەرلەر قولدان كەلگەننىڭ ءبارىن جاسادى، ءبىراق ماڭعىستاۋ وبلىستىق اۋرۋحاناسىنىڭ جانساقتاۋ بولىمىندە ناۋقاس كوز جۇمدى. مارقۇمنىڭ وتباسىنا كوڭىل ايتامىز، – دەدى وبلىستىڭ دەنساۋلىق ساقتاۋ باسقارماسىنىڭ باسپا ءسوز قىزمەتى.
(ارىپتەستەرى ونىڭ سەكىرۋ ءساتىن ۆيدەوعا ءتۇسىرىپ العان)
ەسكە سالا كەتەيىك، 5 تامىزدا اقتاۋدا پاراشيۋتپەن سەكىرۋ كەزىندە وقىس جاعداي ورىن الدى. مۇراتجان جاماۋوۆ ءپاراشيۋتتىڭ تولىق اشىلماۋىنان اۋىر جاراقات الىپ، جەدەل اۋرۋحاناعا تۇسكەن بولاتىن.
قورعانىس مينيسترلىگى اسكەري قىزمەتكەردىڭ جەردەن بەرىلگەن دابىلعا جاۋاپ بەرمەگەنىن جانە باسقا ءپاراشيۋتتى قولدانباعانىن ايتتى. ال، ونىڭ اناسىنىڭ ايتۋىنشا، ۇلى جەردەن بەرىلگەن بۇيرىقتى ەستي الماعان. ياعني ول رەسمي مالىمدەمەمەن كەلىسپەيتىنىن جەتكىزدى.
پىكىر قالدىرۋ