ءماجىلىس دەپۋتاتى نۇرجان التايەۆ ۇكىمەت باسشىسى اسقار مامين پارلامەنتكە كەلىپ، كوروناۆيرۋسپەن قالاي كۇرەس جۇرگىزىپ جاتقانى تۋرالى تولىق ەسەپ بەرۋىن سۇرادى. بۇل تۋرالى ول ءماجىلىس وتىرىسىندا ايتتى.
– قۇرمەتتى اسقار ۇزاقباي ۇلى. ءسىزدى پارلامەنتكە كەلىپ، حالىقتىڭ، حالىق قالاۋلىلارىنىڭ الدىندا ەسەپ بەرۋىڭزدى وتىنەمىن. كوروناۆيرۋسپەن كۇرەستە قانداي جۇمىستار اتقارىلدى، بولىنگەن اقشا قالاي جۇمسالدى؟ نەشە ادام قازا تاپتى، جاعدايدىڭ قيىنداۋىنا نە سەبەپ بولدى؟ مينيستر كەتتى، ءبىراق بولعان وقيعاعا كىم جاۋاپ بەرەدى؟، – دەپ ساۋال جولدادى التايەۆ.
مەملەكەت كوروناۆيرۋس ىندەتىمەن كۇرەسكە جالپى ەكونوميكا مەن الەۋمەتتىك جاعدايعا التى اي ىشىندە 7 ترلن تەڭگەگە جۋىق اقشا جۇمساعان. دەپۋتات وعان دەيىنگى كەزەڭنەن باستاپ ميللياردتاعان قاراجاتتىڭ قايدا كەتكەنىن تۇسىنبەيتىنىن جەتكىزدى.
ايتا كەتەيىك، كەشە ءماجىلىس وتىرىسىندا بىرنەشە دەپۋتاتتىڭ وكىلەتتىگى مەرزىمىنەن بۇرىن توقتاتىلدى.
پىكىر قالدىرۋ