سولتۇستىك قازاقستان وبلىسى اكىمىنىڭ ورىنباسارى مەن اقجار اۋدانىنىڭ اكىمى قولاستىنداعى قىزمەتكەرلەرىنىڭ جەمقورلىق ارەكەتىنە جول بەرگەنى ءۇشىن قىزمەتىنەن بوساتىلدى. بۇل تۋرالى وبلىستىڭ باسپا ءسوز قىزمەتى حابارلادى.
رەسمي دەرەكتەرگە ساي، قولاستىنداعى قىزمەتكەردىڭ سىبايلاس جەمقورلىق قىلمىسقا جول بەرگەنى ءۇشىن باسشىنىڭ دەربەس جاۋاپكەرشىلىگى زاڭىنا سايكەس لاۋازىمدى تۇلعالار – سقو اكىمىنىڭ ورىنباسارى انتون فەديايەۆ پەن اقجار اۋدانىنىڭ اكىمى ەرباتىر مادياروۆ قىزمەتىنەن كەتتى.
ەسكە سالا كەتەيىك، سقو اكiمدiگiنiڭ مەملەكەتتiك ساۋلەت-قۇرىلىس باقىلاۋ جانە ليسەنزيالاۋ باسقارماسىنىڭ باسشىسى باتىربەك قالابايەۆ جالپى سوماسى 650 مىڭ تەڭگە شاماسىندا پارا الدى دەپ كۇدىككە ىلىنگەن بولاتىن.
ول اقجار اۋدانى تالشىق اۋىلىندا سالىنىپ جاتقان دەنە شىنىقتىرۋ-ساۋىقتىرۋ كەشەنىن سالۋ بارىسىندا سىبايلاس جەمقورلىققا جول بەرگەن.
وبلىس اكىمى قۇمار اقساقالوۆ پرەزيدەنت اكىمشىلىگىنىڭ كەلىسىمىمەن بۇيرىققا قول قويدى.
پىكىر قالدىرۋ