«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك وڭىرلەرگە ساپارى بارىسىندا اقتاۋ قالاسىندا بولدى. ول مۇندا الدىمەن وبلىستىق ونكولوگيالىق ورتالىقتىڭ جاڭا عيماراتىن ارالدى. قۇرىلىسى 2008 جىلدان بەرى سوزىلىپ كەلە جاتقان بۇل ورتالىق پارتيا ءتوراعاسى ءبىرىنشى ورىنباسارىنىڭ بىلتىر شىلدە ايىنداعى ساپارىنان سوڭ پارتيالىق باقىلاۋعا الىنعان بولاتىن.

«زاماناۋي دياگنوستيكالىق كەشەننىڭ پايدالانۋعا بەرىلۋى قاتەرلى ىسىك اۋرۋلارىن باستاپقى ساتىسىندا انىقتاۋ مەن ەمدەۋدىڭ تيىمدىلىگىن ارتتىرادى. جەرگىلىكتى بيلىكتىڭ مالىمەتىنشە، قاجەتتى جابدىقتاردى جەتكىزۋ تاياۋ ۋاقىتتا اياقتالادى. ورتالىق ۇجىمىمەن كەزدەسىپ، جاۋاپتى جۇمىستارىنا تابىس تىلەدىم»، - دەپ جازدى بۋىرجان بايبەك Facebook جەلىسىندەگى پاراقشاسىندا.

بۇدان سوڭ پارتيا ءتوراعاسىنىڭ ءبىرىنشى ورىنباسارى وڭىردەگى پارتياىشىلىك پرايرەميزگە قاتىسۋشىلارمەن، سونداي-اق جۇرتشىلىقپەن جانە ۇكىمەتتىك ەمەس ۇيىم وكىلدەرىمەن كەزدەستى. باس قوسۋدا پارتيانىڭ وبلىستىق سايلاۋالدى باعدارلاماسىن تالقىلادى، ونىمەن primaries.kz سايتىنان تولىعىراق تانىسۋعا بولادى.
«حالىق ۇنىنە قۇلاق اساتىن مەملەكەت» تۇجىرىمداماسى اياسىندا بۇل قۇجاتقا تۇرعىنداردىڭ ۇسىنىستارى ەنگىزىلەدى. ماسەلەن، ماڭعىستاۋ وبلىسى بويىنشا 770-تەي ۇسىنىس جينالىپ، ولاردىڭ 411ء-ى باعدارلاما جوباسىنا كىرگىزىلدى.

مەملەكەت باسشىسى ق.ك. توقايەۆتىڭ ەل حالقىنا جولداۋىندا ايتىلعان اۋىل شارۋاشىلىعىنا وزىق تەحنولوگيالاردى ەندىرۋ جونىندەگى تاپسىرماسىن ەسكەرىپ، «قازازوت» كاسىپورنىنا باردىم. بۇل – قازاقستاندىق اۋىل شارۋاشىلىعىمەن اينالىسۋشىلار مينەرالدى تىڭايتقىش رەتىندە كەڭىنەن پايدالاناتىن اممياك پەن اميياك سەليتراسىن وندىرەتىن ەلىمىزدەگى جالعىز كاسىپورىن.

اقتاۋدىڭ ونەركاسىپتىك الەۋەتىن ارتتىرۋ جانە جاڭا جۇمىس ورىندارىن اشۋ ءۇشىن زاۋىتتى جوبالىق قۋاتتىلىعىن جىلىنا 400 مىڭ توننا مينەرالدى تىڭايتقىش وندىرۋگە دەيىن ۇلعايتا وتىرىپ مودەرنيزاسيالاۋ جوسپارلانۋدا.

ەلباسى باستاماشىلىق ەتكەن رەسپۋبليكالىق «BizBirgemiz» اكسياسىنا قاتىسقاندارى ءۇشىن كاسىپورىن ۇجىمىنا العىس ايتتىم. پاندەميا كەزىندە قازازوت قىزمەتكەرلەرى وبلىستاعى اۋرۋحانالار مەن ستاسيونارلارعا كيسلورود باللوندارىن وتەۋسىز تولتىرىپ بەرۋدى قامتاماسىز ەتكەن بولاتىن.

سونداي-اق، ەلباسى، پارتيا ليدەرى ن.ءا.نازاربايەۆتىڭ 5ء-شى كەزەڭ اياسىندا اقتاۋ جانە جاڭاوزەن قالالارىنداعى 6 مىڭنان استام مۇقتاج وتباسىعا قارجىلىق قولداۋ كورسەتۋ جونىندەگى تاپسىرماسىنىڭ ورىندالۋ بارىسىن تەكسەردىم. وسى تولەمدەردى قوسقاندا جىل ىشىندە ماڭعىستاۋ وبلىسىندا 28 مىڭنان استام وتباسى 50 مىڭ تەڭگەدەن الدى، بۇلاردىڭ قاتارىندا قارت ادامدار، ەرەكشە قاجەتتىلىگى بار ازاماتتار جانە باسقالارى بار»، - دەدى ب.بايبەك.