پرەمەر-مينيستر اسقار مامين قىزىلوردا وبلىسىنىڭ ءبىرقاتار ءبىلىم بەرۋ جانە مادەنيەت ۇيىمدارىنا اتاۋ بەرىپ، جاڭارتۋ تۋرالى قاۋلىعا قول قويدى. بۇل تۋرالى ق ر پرەمەر-مينيسترىنىڭ رەسمي سايتى حابارلادى.

ق ر ۇكىمەتىنىڭ 2020 جىلدىڭ 28 قازانىنداعى №712 قاۋلىسىنا سايكەس قىزىلوردا وبلىسىنىڭ مىناداي ءبىلىم بەرۋ ۇيىمدارىنا:

1) قىزىلوردا قالاسى ءبىلىم ءبولىمىنىڭ "ونەر مەكتەبى" كوممۋنالدىق مەملەكەتتىك قازىنالىق كاسىپورنىنا مۇلكامان قالاۋوۆتىڭ ەسىمى؛

2) "قارماقشى اۋداندىق ءبىلىم ءبولىمىنىڭ № 80 مەكتەپ-گيمنازياسى" كوممۋنالدىق مەملەكەتتىك مەكەمەسىنە تەمىربەك جۇرگەنوۆتىڭ ەسىمى؛

3) "قارماقشى اۋداندىق ءبىلىم ءبولىمىنىڭ № 279 ورتا مەكتەبى كوممۋنالدىق مەملەكەتتىك مەكەمەسىنە ەلەۋ كوشەربايەۆتىڭ ەسىمى؛

4) جالاعاش اۋداندىق ءبىلىم ءبولىمىنىڭ № 201 مەكتەپ-ليسەي كوممۋنالدىق مەملەكەتتىك مەكەمەسىنە ءال-فارابيدىڭ ەسىمى بەرىلسىن.

سونداي-اق  قازالى اۋداندىق مادەنيەت ورتالىعىنا روزا باعلانوۆانىڭ ەسىمى بەرىلدى جانە قىزىلوردا قالاسىنداعى "مۇراگەر مەكتەبى"  "اباي اتىنداعى ءۇش تىلدە وقىتاتىن دارىندى بالالارعا ارنالعان مامانداندىرىلعان سىنىپتارى بار مەكتەپ" بولىپ اۋىستى.

قاۋلى جاريالانعان كۇننەن باستاپ كۇشىنە ەنەدى.