10 قاراشادا تۇنگى ساعات 23.00 شاماسىندا نۇر-سۇلتان قالاسى كوكتال ىقشاماۋدانىندا ازاماتتىق بەلسەندى مارقۇم دۋلات ءاعادىلدىڭ ۇلى جانبولات ءاعادىل پىشاق جاراقاتىنان قايتىس بولعانى حابارلانعان.

نۇر-سۇلتان قالاسىنىڭ پوليسيا دەپارتامەنتى تاراتقان حابارلامادا جانبولات ءاعادىل جاپپاي توبەلەس كەزىندە كوز جۇمعانى ايتىلدى. 

قامشى ءتىلشىسى جانبولاتتىڭ دوسىمەن تەلەفون ارقىلى سويلەسىپ، وقيعا بارىسىن انىقتاۋعا تىرىستى. ونىڭ ايتۋىنشا، ولار توبەلەستە بولماعان جانە جولداسىنىڭ قايتىس بولعانىن جاڭا عانا ەستىگەن.

– ءبىز قايتىس بولعانىن ەندى ەستىدىك. ەشكىممەن قاقتىعىسپاعان ەدى. بۇل (توبەلەس – رەد.) تۋرالى ەشتەڭە بىلمەيمىن. جانبولات ءوزى جاقسى جىگىت ەدى، بوتەن نارسەگە اۋەس ەمەس، جاماندىعى جوق. ەشكىممەن قاتتى جانجالداسا قويمايتىن. ول فوتوگراف بولدى، كەيىن ول جۇمىستى قويىپ كەتتى. ءوزىمىز سەنبەي تۇرمىز. كوپ ادام بىلە بەرمەيدى، – دەدى ەسىمىن جاريالاماۋدى سۇراعان جانبولات ءاعادىلدىڭ دوسى.