بەلگىلى جۋرناليست ەرمۇرات باپي شوقان ءۋاليحانوۆ الاڭىندا وتەتىن ميتينگكە بارا جاتقاندا ۇستالدى. بۇل تۋرالى جۋرناليست باقىتگۇل ماكىمباي facebook پاراقشاسىندا جازدى..
"شۇعىل! "دات" مەديا جوباسىنىڭ جەتەكشىسى، تاۋەلسىز جۋرناليست ەرمۇرات باپيدى بۇگىنگى ميتينگىگە قاتىستىرماس ءۇشىن، مەدەۋ اۋداندىق پوليسيا دەپارتامەنتىنە الىپ كەتتى. ءدال ءقازىر اكىمشىلىك سوتقا اپارىپ سوتتاماق بولىپ جاتىر. ادۆوكاتتار، قوعام بەلسەندىلەرى قولداۋ كورسەتىڭىزدەر" دەلىنگەن جۋرناليست جازباسىندا.
بۇگىن ساعات 12:00-دە الماتىداعى شوقان ءۋاليحانوۆ اتىنداعى الاڭدا دەموكراتيالىق پارتيا باستاماشىل توبى مەن "باسە" youtube ارناسى ميتينگ وتكىزبەك. بەيبىت جيىن تۋرالى الماتى قالاسى اكىمدىگىنە ەسكەرتىلىپ، وعان رۇحسات بەرىلگەن.
ازاماتتىق بەلسەندىلەر "جەر ساتىلماسىن"، "نەسيە امنيستياسى جاريالانسىن"، "الدا بولاتىن ءماجىلىس سايلاۋىنا بايكوت جاريالاۋ"، "ساياسي تۇتقىنداردى بوساتۋ" تالاپتارىن قويماق.
پىكىر قالدىرۋ