مەملەكەت باسشىسى كونستيتۋسيالىق كەڭەستىڭ ءتوراعاسى قايرات ءماميدى قابىلدادى. بۇل تۋرالى akorda.kz حابارلادى.
قاسىم-جومارت توقايەۆقا قازاقستان رەسپۋبليكاسى كونستيتۋسياسىنىڭ 25 جىلدىعىنا وراي وتكەن شارالاردىڭ قورىتىندىسى جايىندا باياندالدى.
قايرات ءماميدىڭ ايتۋىنشا، كونستيتۋسيانىڭ مەرەيتويلىق ءىس-شارالارىن ۇيىمداستىرۋ جانە وتكىزۋ جونىندەگى ۇلتتىق جوسپار كوروناۆيرۋس پاندەمياسى تۋدىرعان قيىنشىلىقتارعا قاراماستان جۇزەگە اسقان.
پرەزيدەنتكە مەرەيتوي شەڭبەرىندە وتكەن ءىس-شارالار قورىتىندىسى بويىنشا اتا زاڭنىڭ الەۋەتىن جان-جاقتى ىسكە اسىرۋ جانە ەلدەگى كونستيتۋسيالىق زاڭدىلىق جۇيەسىن نىعايتۋعا باعىتتالعان ۇسىنىستار تۋرالى اقپارات بەرىلدى. ۇسىنىستاردىڭ ءبىر بولىگى كونستيتۋسيالىق كەڭەستىڭ قۇقىقتىق نەگىزىن ودان ءارى جەتىلدىرۋ جانە ازاماتتاردىڭ كونستيتۋسيالىق قۇقىقتارىن قورعاۋ كەپىلدىگىن كۇشەيتۋگە بايلانىستى كەلىپ تۇسكەن.
قاسىم-جومارت توقايەۆ كونستيتۋسيا قازاقستاننىڭ مەملەكەتتىلىگى مەن ەلىمىزدىڭ ستراتەگيالىق دامۋىنىڭ نەگىزى ەكەنىن ايتتى. تاۋەلسىزدىكتىڭ 30 جىلدىعى اياسىندا مەملەكەتتىك ورگاندار مەن ازاماتتار كونستيتۋسيالىق تالاپتاردى تەرەڭ ءتۇسىنۋى جانە ونى باسشىلىققا الۋى كەرەك.
پىكىر قالدىرۋ