ورىس مامانى ناسا-نىڭ ماسكەۋدى عارىش كەمەسى ارقىلى يادرولىق بومبالايتىن قۇپيا جوسپارى بولعانى تۋرالى زەرتتەۋىن جاريالادى" دەپ جازدى Newpaper24.com باسىلىمى.

باسىلىمنىڭ جازۋىنشا، ۆاشينگتون مەن ماسكەۋ ءۇشىنشى دۇنيەجۇزىلىك سوعىستى باستاۋعا وتە جاقىن قالعان. ولاردىڭ ءتورت جىلعا سوزىلعان تەكەتىرەسىندە كۋبا زىمىران داعدارىسى شيەلەنىستى ارتتىرا تۇسكەن.

"ەكى ەلدە دە الاپات سوعىس تۋرالى ۇرەيلەر بولدى. تەحنولوگيالار مەن ونى وڭدەۋشىلەردىڭ كوپتەگەن قاتەلىكتەرىنەن بىرنەشە سەكۋند وتكەن سوڭ يادرولىق سوعىستىڭ الدى الىندى" دەپ جازدى باسىلىم.

جاپونيانىڭ حيروسيما جانە ناگاساكي قالالارىنا جاسالعان يادرولىق سوققىدان كەيىنگى ىقتيمالدىعى جوعارى يادرولىق سوعىس ءقاۋپى تۋىنداعانى تىلگە تيەك ەتىلگەن.

اقپاراتقا سايكەس، ورىس زەرتتەۋشىسى پاۆەل شۋبين وسى قورقىنىشتىڭ شىعۋ تەگى تۋرالى 1976 جىلعى ناۋرىزداعى قۇجاتتى اشقان.

قۇجاتتى سول كەزدەگى قولدانبالى ماتەماتيكا ينستيتۋتىنان يۋ.گ. سيحارۋليدزە مەن دميتريي وحوتسيمسكيي جازعان. ولار كەڭەستىك عارىش اپپاراتتارىنىڭ تراەكتورياسىن انىقتاۋدا شەشۋشى ءرول اتقارعان.

اقش-تىڭ عارىش جونىندەگى تاريحشىسى دۋەين دەي ءوز بلوگىنداعى جازباسىندا بىلاي دەيدى: "حابارلامادا امەريكالىق عارىشتىق شاتتل كاليفورنياداعى ۆاندەنبەرگ اسكەري-اۋە بازاسىنان ۇشىرىلاتىنى جانە كەڭەس وداعىنىڭ وڭتۇستىگىنەن سولتۇستىگىنە قاراي ۇشاتىنى ايتىلعان. ول ماسكەۋدىڭ ۇستىنەن ءوتىپ، يادرولىق قارۋدى جىبەرەدى... قارۋ شاتتلدان شىققان 200 سەكۋندتان كەيىن ماسكەۋدى تۇگەلدەي جارىپ جىبەرە الاتىن قاۋقارعا يە. بۇل – وسى تاپسىرمانى امەريكالىق سۋاستى راكەتاسىنا ورىنداتقاننان الدەقايدا تەز".

ءشۋبيننىڭ ايتۋى بويىنشا، ەسەپ كوممۋنيستىك پارتيانىڭ ورتالىق كوميتەتىنە كەلىپ تۇسكەن جانە وندا قاتتى پىكىرتالاس بولعان. ناتيجەسىندە كسرو پرەمەر-مينيسترى لەونيد برەجنيەۆ ەلدى وسىنداي شابۋىلدان ساقتاۋ ءۇشىن بالامالى شارالار كەشەنىن ازىرلەۋدى بۇيىرعان.

شۋبين بۇل ەسەپ بىرنەشە كەڭەستىك ۇيىمدار اراسىندا تاراتىلعانىن جانە ونىڭ كەڭەستىك عارىش باعدارلاماسىنا ايتارلىقتاي اسەر ەتكەنىن جازادى.

باسىلىمنىڭ اقپاراتىنشا، ەسەپتە ايتىلعاندار ول كەزدە كوپشىلىككە ءمالىم ەمەس ەدى، سوندىقتان ونىڭ مازمۇنى ونداعان جىلدار بويى قايتا ايتىلىپ، بۇرمالانعان.