رەسمي دەرەك بويىنشا بۇگىندە الماتى قالاسىندا 2800-گە جۋىق جەكە تۇرعىن ءۇي كوگىلدىر وتىنعا قوسىلماعان. سونىڭ سالدارىنان تۇرعىندار ءۇيىن كومىرمەن جىلىتۋعا ءماجبۇر. بۇل ءبىر جاعىنان اۋرەسى كوپ ءىس، ەكىنشى جاعىنان قاۋىپسىزدىگى تومەن. ءارى قىمبات. قورشاعان ورتانى لاستايتىنى تاعى بار. الايدا ۇيگە گاز كىرگىزۋ دە ارزان ەمەس. سوندىقتان قالا باسشىسى باقىتجان ساعىنتايەۆ تۇرعىندار ۇيىنە گاز قوسۋى ءۇشىن ەكىنشى دەڭگەيلى بانكتەر ارقىلى كرەديت بەرۋ مۇمكىندىگىن قاراستىرۋدى تاپسىرعان. بۇل باستامانى العاش بولىپ قولداعانداردىڭ ءبىرى – Halyk Bank. بانك گاز ورناتۋعا پايىزسىز كرەديت بەرۋدى باستاپ كەتتى. بۇدان بولەك تۇرمىسى تومەن وتباسىلارعا كوگىلدىر وتىندى تەگىن جالعاۋ جوباسىن قولعا الدى.
Halyk Bank باسقارما ءتوراعاسىنىڭ ورىنباسارى داۋرەن سارتايەۆتىڭ ايتۋىنشا، جوبا حالىقتىڭ الەۋمەتتىك وسال توبىنا جاتاتىن جانە ءوز ۇيلەرىن گازبەن جابدىقتاعىسى كەلەتىن باسقا دا قالا تۇرعىندارىن قامتيدى.
– كومىر جاعۋ قالانىڭ اۋا تازالىعىنا كەرى اسەرىن بەرەتىنىن بىلەمىز، سوندىقتان Halyk Bank حالىقتىڭ الەۋمەتتىك تۇرعىدان وسال توبىنا جاتاتىن تۇرعىنداردىڭ ۇيلەرىنە گازدى تەگىن قوسادى. الماتى اكىمدىگى ۇسىنعان تىزىمگە سايكەس، ۇيگە گازدى تەگىن قوسۋ عانا ەمەس، ونىمەن قوسا بارلىق قاجەتتى گاز جابدىقتارىن ساتىپ الۋعا دا كومەكتەسەمىز. ال الەۋمەتتىك تۇرمىسى تومەن وتباسى قاتارىنا جاتپايتىن الماتىلىقتار ءۇشىن پايىزسىز كرەديت ۇسىنامىز. بۇل – ءبىزدىڭ قالامىزدىڭ اۋە باسسەينىن تازارتۋعا قوسقان ۇلكەن ۇلەسىمىزدىڭ ءبىرى، – داۋرەن سارتايەۆ.
گاز ورناتۋ جۇمىستارىن Temel Group Stroy كومپانياسى جۇزەگە اسىرىپ جاتىر. ۇيىمنىڭ اتقارۋشى ديرەكتورى اسلان تولەۋتايەۆتىڭ گاز ورناتۋ جۇمىسى جەكە قارالاتىنىن ايتتى.
– ماسەلەن، كەيبىر ۇيلەردە پەش ورناتۋعا ارنالعان بولەك بولمە سالۋ قاجەت بولسا، ال كەيبىر ۇيدە ەسىك نەمەسە تەرەزەنى اۋىستىرۋعا تۋرا كەلەدى. ياعني، گاز ورناتۋعا قاجەتتى جابدىقتاردان بولەك، باسقا قاجەتتى تاۋاردى الۋ، ونى ورناتۋ جۇمىستارىن دا اتقارامىز، – دەيدى كومپانيا ديرەكتورى.
زەينەتكەر، 3-توپ مۇگەدەگى گالينا گونچاروۆا Halyk Bankء-تىڭ ارقاسىندا وت جاعۋ سەكىلدى تاۋقىمەتتەن قۇتىلعانىن جەتكىزدى.
– مەن ءۇيدى جيىرما جىل بويى كومىر جاعىپ، جىلىتىپ كەلەمىن. ماعان بۇل وتە قيىن ەدى، ويتكەنى اياعىم اۋىرادى. ەندى، مىنە Halyk Bankء-تىڭ ارقاسىندا مەنىڭ ارمانىم ورىندالدى، بۇگىن مەنىڭ ۇيىمە گاز قوسىلدى. بۇل يگى ىسكە ريزاشىلىعىم شەكسىز، – دەدى زەينەتكەر.
ۇيىنە كوگىلدىر وتىن جالعانعان جانداردىڭ ءبىرى – جالعىزباستى انا گۇلباحرام بۋلتاكوۆا دا بانك تاراپىنان جاسالعان وسىنداي يگى ىسكە ءدان ريزا.
– بۇرىن قىزىم ەكەۋمىز بولمەنىڭ ءدال ورتاسىندا تۇرعان پەشتى جاعاتىنبىز. بانكتىڭ قولداۋىنىڭ ارقاسىندا ۇيگە گاز جەتكىزىلىپ، ۇيگە جىلۋ جۇيەسى ورناتىلدى. ولار پەش تۇراتىن بولمەنى دە وزدەرى تۇرعىزدى، مەن بانككە شىن جۇرەكتەن ريزامىن، – دەيدى ءجۇزى بالبۇل جايناعان جالعىزباستى انا.
Halyك Bank تۇرمىسى تومەن وتباسىلاردىڭ ۇيىنە گاز قوسۋ ءۇشىن 60 ميلليون تەڭگەدەن استام قاراجات ءبولدى. بۇگىنگى كۇنى 10 وتباسىعا گاز تەگىن ورناتىلدى، جىل سوڭىنا دەيىن ناۋرىزباي جانە الاتاۋ اۋدانى بويىنشا 70 استام ۇيگە تەگىن گاز تارتۋ جوسپارعان.
الماتى قالاسىنىڭ كەز كەلگەن تۇرعىنىندا گاز جابدىعىن ورناتۋ ءۇشىن پايىزسىز كرەديت الۋ شارتتارى تومەندەگىدەي:
- سىياقى مولشەرلەمەسى – 0%؛
- زايمدى رەسىمدەگەنى ءۇشىن كوميسسيا – 0،1%
- كرەديتتەۋ مەرزىمى – 18 ايعا دەيىن
- ءبىر جەكە تۇلعا ءۇشىن زايمنىڭ سوماسى – 309 000 ₸ مولشەرىندە
پايىزسىز كرەديت الۋ ءۇشىن ازاماتتار كەلەسى قادامداردى ورىنداۋى قاجەت:
– قاجەتتى قۇجاتتاردىڭ تىزىمىمەن كەڭەسۋ ءۇشىن اۋدان اكىمدىكتەرىمەن بايلانىسۋ؛
– گازدى قوسۋدىڭ تەحنيكالىق شارتتارىن الۋ جانە قىزمەتتى ۇسىناتىن كومپانيالارمەن كەلىسىم جاساۋ؛
– وسى كەلىسىممەن كرەديت الۋ ءۇشىن كەلەسى مەكەنجايلارداعى Halyk Bankء-تىڭ ەكى بولىمشەسىنىڭ بىرىنە حابارلاسۋ:
- تۇركسىب اۋدانى، كۋنگۋرسكايا كوشەسى، 2 ءۇي، Halyk Bank، 131832 بولىمشەسى؛
- اۋەزوۆ اۋدانى، «جەتىسۋ-4» شاعىن اۋدانى، 13 «ا» ءۇي، Halyk Bank، 30 جسو
باعدارلاما تۋرالى تولىعىراق بانك سايتىنان تانىسۋعا بولادى.
پىكىر قالدىرۋ