مەملەكەت باسشىسى قاسىم-جومارت توقايەۆتىڭ اتىنا قازاقستاننىڭ تاۋەلسىزدىك كۇنىنە وراي رەسەي پرەزيدەنتى ۆلاديمير ءپۋتيننىڭ قۇتتىقتاۋ جەدەلحاتى كەلىپ ءتۇستى، دەپ حابارلادى اقوردا سايتى.
"مەملەكەتتەرىمىز اراسىنداعى ستراتەگيالىق سەرىكتەستىك پەن وداقتاستىق قاتىناستار تابىستى دامىپ كەلە جاتقانى قۋانتادى. ءبىز كۇش بىرىكتىرە وتىرىپ، بارلىق ەكىجاقتى بايلانىستاردى، سونداي-اق، ەۋرازيالىق ەكونوميكالىق وداق، ۇجىمدىق قاۋىپسىزدىك شارت تۋرالى ۇيىم، تمد، شانحاي ىنتىماقتاستىق ۇيىمى، بىرىككەن ۇلتتار ۇيىمى جانە باسقا دا كوپجاقتى قۇرىلىمدار اياسىنداعى ىقپالداستىقتى ودان ءارى نىعايتاتىنىمىزعا سەنىمدىمىن. مۇنىڭ باۋىرلاس حالىقتارىمىزدىڭ مۇددەلەرىنە جاۋاپ بەرەتىنى ءسوزسىز. سونداي-اق ەۋرازيالىق كەڭىستىكتەگى قاۋىپسىزدىك پەن تۇراقتىلىقتى نىعايتۋ جولىمەن كەلە جاتقانىمىزدى بىلدىرەدى. وزىڭىزگە زور دەنساۋلىق پەن تابىس، ال بارلىق دوستاس قازاقستان ازاماتتارىنا شىن جۇرەكتەن باق-بەرەكە تىلەيمىن" دەلىنگەن رەسەي پرەزيدەنتىنىڭ جەدەلحاتىندا.
پىكىر قالدىرۋ