Golden Boy Promotions پروموۋتەرلىك كومپانياسىنىڭ نەگىزىن قالاۋشى وسكار دە لا حوييا ءبىرىنشى ورتا سالماقتاعى الەمنىڭ بۇرىنعى چەمپيونى مەكسيكالىق حايمە مۋنگيا (36-0، 29 KO) مەن ورتا سالماقتاعى IBF جانە IBO ببەلبەۋلەرىنىڭ يەگەرى قازاقستاندىق گەنناديي گولوۆكين (41-1-1، 36 KO) اراسىنداعى كەزدەسۋدى ۇيىمداستىرۋ ءۇشىن جۇمىس ىستەپ جاتقانىن راستادى، دەپ حابارلادى Vesti.kz.

بۇعان دەيىن پروموۋتەر ەكى تاراپ كەلىسسوز جۇرگىزىپ جاتقانىن ايتتى. جەكپە-جەك 5-مامىر كۇنى مەكسيكالىقتاردىڭ "سينكو دە مايو" مەرەكەسى كۇنى وتەدى. 

"ءقازىر ءبىز گولوۆكين - مۋنگيا كەزدەسۋىن ۇيىمداستىرۋ ءۇشىن جۇمىس ىستەپ جاتىرمىز. بۇل بارلىق جانكۇيەرلەرگە قىزىقتى بولاتىن جەكپە-جەك. "سينكو دە مايو" مەرەكەسىندە وتەدى"، - دەدى دە لا حوييا. 

ايتا كەتەيىك، مۋنگيا سوڭعى كەزدەسۋىن قازان ايىندا تۋرەانو دجونسونعا (21-3-1، 15 KO) قارسى وتكىزىپ، التىنشى راۋندتا نوكاۋتپەن جەڭىسكە جەتتى. ال گولوۆكين بولسا جەلتوقسان ايىندا كاميل شەرەمەتانى (21-1، 5 كو) نوكاۋتپەن جەڭىپ، 21 رەت چەمپيوندىق بەلبەۋىن قورعاپ قالدى.