2020 جىلى ەگىن ەگۋ ناۋقانى كوروناۆيرۋس سالدارىنان كۇردەلى جاعدايدا وتكەنى بەلگىلى. وسىعان قاراماستان، توتەنشە جاعداي كەزىندە سالاداعى جۇمىستاردى ساپالى ءارى ۋاقىتىلى ۇيىمداستىرۋ ءۇشىن ءتيىستى شارالار قابىلداندى. بۇل ءوز كەزەگىندە ەلدىڭ ازىق-تۇلىك قاۋىپسىزدىگىن قامتاماسىز ەتۋ تۇرعىسىندا وتە ماڭىزدى بولدى.
بيىل فەرمەلەردىڭ ەگىس القاپتارىنا دەيىن كەدەرگىسىز وتۋىنە قاتىستى قاجەتتى شەشىمدەر جاسالىپ، كوكتەمگى ەگىس جۇمىستارىن جۇرگىزۋدىڭ الگوريتمى دايىندالدى. وسى ورايدا فەرمەرلەرگە جانار-جاعارماي مەن بولشەكتەردى، تۇقىمدى، تىڭايتقىشتى، وسىمدىكتى قورعاۋ زاتتارىن جەتكىزۋدىڭ ءتارتىبى ايقىندالدى. قابىلدانعان شارالاردىڭ ارقاسىندا كوكتەمگى ەگىس ناۋقانى دەر كەزىندە وتكىزىلگەن ەدى.
اتاپ ايتقاندا، كوروناۆيرۋس ىندەتىنىڭ تارالۋىنا بايلانىستى، سونداي-اق توتەنشە جاعداي مەن كارانتيننىڭ ەنگىزىلۋىنە وراي ىشكى ءارى سىرتقى نارىقتا الەۋمەتتىك ماڭىزداعى ازىق-تۇلىك ونىمدەرىنە سۇرانىس كۇرت ارتتى. ىشكى نارىققا ءونىمدى تۇراقتى جەتكىزۋ مەن حالىقتى ازىق-تۇلىكپەن قامتاماسىز ەتۋ ماقساتىندا اۋىل شارۋاشىلىعى مينيسترلىگى ەل اۋماعىنان كەيبىر تاۋارلاردى شىعارۋعا ۋاقىتشا شەكتەۋلەر ەنگىزدى. وسى ورايدا الەۋمەتتىك ماڭىزداعى ازىق-تۇلىك ونىمدەرىنىڭ قازاقستان اۋماعىندا تاپشىلىعىن بولدىرماۋ ءۇشىن ءتيىستى شەشىمدەر جاسالدى.
اۋىل شارۋاشىلىعى داقىلدارىنىڭ ەگىس القاپتارىن ءارتاراپتاندىرۋ بويىنشا جۇمىستار جالعاسۋدا. بۇل رەتتە يمپورتتى الماستىرۋ مەن تيىمدىلىگى جوعارى داقىلدار القاپتارىن ارتتىرۋعا ەكپىن قويىلعان.
ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى مالىمەتتەرىنە قاراعاندا، 2020 جىلى ەگىس القاپتارىنىڭ جالپى كولەمى 22،7 ملن گەكتاردى قۇراپ، بۇل كورسەتكىش 2019 جىلمەن سالىستىرعاندا 439،2 مىڭ گەكتارعا ارتىق بولدى.
قابىلدانعان شارالاردىڭ ارقاسىندا داقىلدار القاپتارىن ارتتىرۋعا، ونىڭ ىشىندە تيىمدىلىگى جوعارى داقىلداردىڭ ەگىستەرىن كوبەيتۋگە مۇمكىن بولدى.
اۋىل شارۋاشىلىعى تاۋارىن وندىرۋشىلەردى ارزانداتىلعان ديزەل وتىنىمەن قامتاماسىز ەتۋ بويىنشا مەملەكەت باسشىسىنىڭ تاپسىرماسىن جۇزەگە اسىرۋ اياسىندا اقپان-قاراشا ارالىعىندا 792 مىڭ توننا ديزەل وتىنى ءبولىندى. ەنەرگەتيكا مينيسترلىگىمەن كەلىسىمگە سايكەس، كوكتەمگى ەگىس جۇمىستارى مەن مەن كۇزگى ەگىن ورۋ ناۋقانىنا مۇناي وڭدەۋ زاۋىتتارىمەن ارادا ءتيىستى باعا بەكىتىلدى. ايتا كەتەيىك، استىقتى كەپتىرۋگە قوسىمشا 47 مىڭ توننا ديزەل وتىنى ءبولىندى.
داعدارىس پەن پاندەميا سالدارىنان ءونىمدى وتكىزۋ پروبلەماسىنا قاراماستان، مەملەكەتتىك قولداۋ قادامدارىنىڭ ارقاسىندا 2020 جىلى وسىمدىك شارۋاشىلىعى ونىمدەرىن وڭدەۋگە ارنالعان جاڭا زاۋىتتار پايدالانۋعا بەرىلدى. وسى ورايدا بىلتىر مامىر ايىندا الماتى وبلىسىندا تاۋلىگىنە 500 توننا مايلى داقىل وڭدەيتىن «جەتىسۋ-ماجيكو» زاۋىتى جۇمىسىن باستادى.
ال قىزىلوردا وبلىسىندا «قارابۋرا اتا» شق-نىڭ قۋاتتىلىعى تاۋلىگىنە 60 توننا كۇرىش وڭدەيتىن زاۋىتى تاپسىرىلدى. تۇركىستان وبلىسىندا جەمىس كونسەرۆىلەۋ زاۋىتى پايدالانۋعا بەرىلدى. 2020 جىلعى قىركۇيەكتە «راحات» اق شىمكەنتتە ءوندىرىسىن كەڭەيتىپ، جاڭا جەلىنى ىسكە قوستى. جامبىل وبلىسىندا «ساۋلە» كونديتەرلىك فابريكاسى ج ش س ءوزىنىڭ ءوندىرىسىن نىعايتىپ، ءونىم كولەمىن ارتتىردى.
«وتاندىق كاسىپورىندار ىشكى قاجەتتىلىكتى ءتيىستى دەڭگەيدە قامتاماسىز ەتە الماي جۇرگەن تاۋارلارعا قاتىستى يمپورتتى الماستىرۋ جۇمىستارى جۇرگىزىلىپ جاتىر. وتكەن جىلى 1800 گەكتار القاپتى قامتىعان الما باقتارىن وتىرعىزۋ ىسكە اسىرىلدى. وسى ورايدا تىڭايتقىشتى، ءتيىستى ماتەريالداردى، سۋارۋعا ارنالعان سۋدى، تەحنيكانى سۋبسيديالاۋ جولىمەن باعباندارعا قولداۋ كورسەتىلىپ كەلەدى»، - دەلىنگەن مينيسترلىك مالىمەتىندە.
تۇقىم شارۋاشىلىعىن سۋبسيديالاۋ تەتىگىن جەتىلدىرۋدىڭ ارقاسىندا ساپاسى تومەن تۇقىمدى پايدالانۋ ۇلەسى 2019 جىلمەن سالىستىرعاندا بىلتىر 224،3 مىڭ توننادان 181 مىڭ تونناعا دەيىن نەمەسە 1،2 ەسەگە تومەندەدى.
مۇنىمەن قوسا، كوكتەمگى ەگىس جۇمىستارىن ساپالى ءارى ۋاقىتىلى وتكىزۋ ءۇشىن، سونداي-اق تۇراقتى ءونىمدى الۋ ماقساتىندا 369 اۋىل شارۋاشىلىعى تۋارىن وندىرۋشىدەن 24،55 ملرد تەڭگەگە ءونىمدى فورۆاردتىق ساتىپ الۋ جۇرگىزىلدى.
516،9 مىڭ توننا اۋىل شارۋاشىلىعى ءونىمىن ساتىپ الۋ قارجىلاندىرىلدى. ونىڭ ىشىندە: بيداي – 453،4 مىڭ توننا، ارپا – 53،2 مىڭ توننا، كۇنباعىس – 10 مىڭ توننا، قاراقۇمىق – 300 توننا.
دەرەككوز: قازاقپارات
پىكىر قالدىرۋ