ماڭعىستاۋ وبلىسىنىڭ باس سانيتار دارىگەرى گ. نادۋيەۆ كارانتيندى كۇشەيتۋگە قاتىستى قاۋلىسىنا وزگەرىستەر مەن تولىقتىرۋلار ەنگىزدى.
قاۋلىعا سايكەس:
- ويىن-ساۋىق، سپورتتىق ءىس-شارالاردى، كورمەلەردى، فورۋمداردى، كونفەرەنسيالاردى سونداي-اق وتباسىلىق ءىس-شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ) وتكىزۋگە تىيىم سالىنادى؛
- سپورتشىلاردىڭ قازاقستاننان تىس جەردە وقۋ-جاتتىعۋ جيىندارى مەن جارىستارعا قاتىسۋىنا، سىرتقا شىعۋىنا تىيىم سالىنادى؛
- كارانتين رەجيمىن ساقتاي وتىرىپ، قوعامىق كولىكتەردىڭ جۇمىسىنا رۇقسات بەرىلەدى؛
- جەكە اۆتوكولىكتەردىڭ وڭىرلەر اراسىندا جۇرۋىنە رۇقسات ەتىلەدى؛
- وبلىس ارالىق جولاۋشىلار پوەزدارىنىڭ قوزعالىستارىنا رۇقسات ەتىلەدى.
سونىمەن قاتار باس سانيتار دارىگەر وقۋشىلار مەن ستۋدەنتتەر 2020-2021 وقۋ جىلىنىڭ ءىىى توقسانىنان/ەكىنشى سەمەسترىنەن باستاپ قالاي وقيتىنىن ايتتى.
- سىنىپتاردى 15 بالادان اسىرماي جيناقتاۋدى ساقتاي وتىرىپ، اتا-انالاردىڭ ءوتىنىشى بويىنشا جالپى ءبىلىم بەرۋ مەكتەپتەرىندە 1-دەن 5 (7) سىنىپقا دەيىن قوسا العاندا، كەزەكشى سىنىپتاردا وقىتۋعا رۇقسات ەتىلەدى؛
- 9، 11 (12) سىنىپتاردا سانيتاريالىق-ەپيدەميولوگيالىق تالاپتاردى ساقتاي وتىرىپ، ارالاس وقىتۋ ەنگىزىلدى. پاندەردىڭ 70%-ى – ءداستۇرلى فورماتتا، 30%-ى – قاشىقتان وقىتىلادى؛
- 5 وقۋشىعا دەيىنگى توپتاردا جەكە كونسۋلتاسيالار وتكىزۋگە رۇقسات ەتىلەدى؛
- تجكب، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ 1 كۋرس ستۋدەنتتەرىن ارالاس وقىتۋ فورماتىندا وقىتۋعا رۇقسات ەتىلەدى.
پىكىر قالدىرۋ