ۇكىمەت پەن ۇلتتىق بانك زەينەتاقى جۇيەسىن ودان ءارى دامىتۋ تۇجىرىمداماسىن ازىرلەپ جاتىر. بۇل تۋرالى پرەزيدەنت قاسىم-جومارت توقايەۆ جەتىنشى شاقىرىلىمداعى پارلامەنت ءماجىلىسىنىڭ ءبىرىنشى سەسسياسىندا ايتتى.
– ازىرلەنىپ جاتقان الەۋمەتتىك كودەكس وسى ماڭىزدى سالانىڭ وزەكتى ماسەلەلەرىنە كەشەندى جاۋاپ بەرەدى. الەۋمەتتىك ينفراقۇرىلىمنىڭ تاعى ءبىر باستى ەلەمەنتى – وتاندىق زەينەتاقى جۇيەسى. ول ءادىل، تۇراقتى، ادامداردىڭ مۇددەلەرىنە ساي بولۋى كەرەك، – دەدى ول.
پرەزيدەنت پارلامەنتتىڭ جاڭا مۇشەلەرىنەن الەۋمەتتىك ساياساتتى جەتىلدىرۋ جونىندە بەلسەندى جۇمىس كۇتەتىنىن اتاپ ايتتى.
– ءبىز وتە ماڭىزدى رەفورمانى – زەينەتاقى اكتيۆتەرىن ءىشىنارا الۋ جانە پايدالانۋ مۇمكىندىگىن ىسكە قوستىق. سونىمەن قاتار، ازاماتتارعا ءوز جيناقتارىن ءتۇرلى قۇرالدار ارقىلى باسقارۋعا مۇمكىندىك بەرۋ قاجەت. ۇكىمەت پەن ۇلتتىق بانك زەينەتاقى جۇيەسىن ودان ءارى دامىتۋ تۇجىرىمداماسىن ازىرلەپ جاتىر. ونى ءىس جۇزىندە ىسكە اسىرۋ ساپالى زاڭنامالىق قامتاماسىز ەتۋدى تالاپ ەتەتىنى انىق. جالپى پارلامەنتتىڭ جاڭا مۇشەلەرىنەن الەۋمەتتىك ساياساتتى جەتىلدىرۋ جونىندە بەلسەندى جۇمىس كۇتەمىن، – دەدى توقايەۆ.
