ءماجىلىستىڭ بۇرىنعى دەپۋتاتى مارات دارىبەك ۇلى بوپازوۆ QazIndustry باسقارما ءتوراعاسىنىڭ ورىنباسارى بولىپ تاعايىندالدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى حابارلادى.
"QazIndustry قازاقستاندىق يندۋستريا جانە ەكسپورت ورتالىعى" اق ديرەكتورلار كەڭەسىنىڭ شەشىمىمەن "QazIndustry قازاقستاندىق يندۋستريا جانە ەكسپورت ورتالىعى" اق باسقارما ءتوراعاسىنىڭ ورىنباسارى بولىپ مارات دارىبەك ۇلى بوپازوۆ سايلاندى" دەلىنگەن حابارلامادا.
ول بۇعان دەيىن پارلامەنتى ءماجىلىسىنىڭ VI شاقىرىلىمىنىڭ دەپۋتاتى، ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى بولعان.
"QazIndustry قازاقستاندىق يندۋستريا جانە ەكسپورت ورتالىعى" اق-دا مارات بوپازوۆ ونەركاسىپتىك دامۋ ماسەلەلەرىنە جەتەكشىلىك ەتەتىن بولادى.
ۆەدومستۆو مالىمەتىنشە، مارات بوپازوۆ ۆ.ي. لەنين اتىنداعى قازاق پوليتەحنيكالىق ينستيتۋتىن "تاۋ-كەن ينجەنەرى" ماماندىعى بويىنشا، سونداي-اق ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن "قۇقىقتانۋ" ماماندىعى بويىنشا ءتامامداعان.
جالپى جۇمىس ءوتىلى 35 جىل.
ءار جىلدارى سەمەي گەولوگيالىق-بارلاۋ تەحنيكۋمىندا، تالدىقورعانداعى "وبلۆودوكانال" باسقارماسىندا، ۇلتتىق-مادەني ۇيىمداردى قولداۋ قورىندا جۇمىس ىستەدى. سونداي-اق تالدىقورعان قالالىق اكىمشىلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق باسقارماسى باستىعىنىڭ ورىنباسارى، تالدىقورعان قالاسىنىڭ "كوممۋنالنيك" مكك باستىعى قىزمەتتەرىن اتقاردى.
1999 جىلدىڭ قاراشاسىنان 2016 جىلدىڭ ناۋرىزىنا دەيىن تالدىقورعان قالالىق ءماسليحاتىنىڭ حاتشىسى قىزمەتىن اتقاردى.
پىكىر قالدىرۋ