ءبىرىڭعاي جيناقتاۋشى زەينەتاقى قورى قازاقستاندىقتار 2020 جىلى قانشا اقشا جيناعانىن جاريالادى.

قور باسپا ءسوز قىزمەتىنىڭ اقپاراتىنشا، 2021 جىلعى 1 قاڭتاردا ءبىرىڭعاي جيناقتاۋشى زەينەتاقى قورى سالىمشىلارىنىڭ شوتىندا 12،9 تريلليون تەڭگە جينالعان. ءبىر جىلدا 2،1 ترلن تەڭگەگە (20%) كوبەيدى.

"زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى ەسەبىنەن جيناقتالىپ، ونىڭ مولشەرى 12،6 ترلن تەڭگە بولدى. مىندەتتى كاسىپتىك زەينەتاقى جارناسى بويىنشا زەينەتاقى جيناقتارىنىڭ سوماسى 315،3 ملرد تەڭگەگە، ال ەرىكتى زەينەتاقى جارناسى بويىنشا زەينەتاقى جيناقتارىنىڭ سوماسى 2،2 ملرد تەڭگەگە جەتتى" دەلىنگەن رەسمي سايت تاراتقان حابارلامادا.

2020 جىلدىڭ باسىنان بەرى سالىمشىلاردىڭ شوتىنا جالپى كولەمى 1،1 ترلن تەڭگە زەينەتاقى جارنالارى اۋدارىلدى، ول 2019 جىلعى كورسەتكىشتەن 94،8 ملرد تەڭگەگە نەمەسە 10% اسىپ ءتۇستى. جارنالاردىڭ جالپى كولەمىنىڭ 95،6 پايىزىن بجزق-عا مزج بويىنشا اۋدارىلعان 1،04 ترلن تەڭگە مولشەرىندەگى ءتۇسىم (ءوسىم 10%) بار. 46،9 ملرد تەڭگەنىڭ اۋدارىمى مكزج بويىنشا (ءوسىم 8%) جاسالسا، 539 ميلليون تەڭگە ەزج بويىنشا (ءوسىم 51%) اۋدارىلعان.

بجزق-داعى جەكە زەينەتاقى شوتتارىنىڭ سانى 2021 جىلدىڭ 1 قاڭتارىندا 11،6 ميلليونعا جەتتى. شوتتاردىڭ باسىم بولىگى مىندەتتى زەينەتاقى جارناسى بويىنشا اشىلعان، ولاردىڭ سانى – 10 981 218 (ءوسىم – 11%). ودان كەيىن مىندەتتى كاسىپتىك زەينەتاقى جارناسى ەسەبىنەن قالىپتاستىرىلعان شوتتار – 528 283 (ءوسىم – 4%). بجزق-داعى ەرىكتى زەينەتاقى جارنالارى بويىنشا اشىلعان شوتتاردىڭ سانى ءقازىر 57 645 بىرلىك (ءوسىم – 6%).