الماتى وبلىسىنىڭ سوتى كارانتينگە جابىلدى. بۇل تۋرالى سوتتىڭ facebook پاراقشاسىندا حابارلاندى.
"تالدىقورعان قالاسىنىڭ باس مەملەكەتتىك سانيتار دارىگەرىنىڭ 2021 جىلعى 20 قاڭتارداعى "الماتى وبلىستىق سوتى" رمم عيماراتىندا جانە اۋماعىندا كارانتيندىك شارالار ەنگىزۋ تۋرالى" قاۋلىسىمەن: وبلىستىق سوت جانە ونىڭ اۋماعىندا 2021 جىلدىڭ 20 قاڭتارىنان 2 اقپانىنا دەيىن كارانتين شارالارى ەنگىزىلدى" دەلىنگەن حابارلامادا.
– قاۋلىعا سايكەس:
- سوتتىڭ جۇمىسى قاشىقتان جۇمىس رەجيمىنە تولىق اۋىسا وتىرىپ، تولىعىمەن توقتاتىلادى؛
- سوت عيماراتىنا سەق قىزمەتكەرلەرىنەن باسقالارىنىڭ كەلۋىنە قاتاڭ تىيىم سالىنادى؛
- وسى مەرزىمدە قاراۋعا تاعايىندالعان ىستەر كەيىنىرەك مەرزىمگە اۋىستىرىلادى، تاعايىندالعان كۇنى مەن ۋاقىتى تۋرالى اقپارات قاتىسۋشىلارعا قوسىمشا جولدانادى؛
- قپك-نىڭ 107-بابىنا سايكەس كەلىپ تۇسكەن ماتەريالداردى سۋديا تالدىقورعان قالالىق سوتىنىڭ عيماراتىندا قاشىقتان قارايدى، – دەپ جازدى الماتى وبلىسى بويىنشا سوتتار اكىمشىسى باسشىسىنىڭ مىندەتىن اتقارۋشى ە.ايتجانوۆ.
پىكىر قالدىرۋ