2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى ءار زەينەتكەرگە زەينەتاقى جۇيەسىنە قاتىسۋ ءوتىلىن ەسكەرە وتىرىپ جەكە تاعايىندالادى.

بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جۇيەدە جۇمىس ىستەگەن ۋاقىتى، سونداي-اق مىندەتتى زەينەتاقى جارنالارى تولەنگەن كەزەڭدەر زەينەتاقى جۇيەسىنە قاتىسۋ وتىلىنە قوسىلادى.

ەگەر زەينەتاقى جۇيەسىنە قاتىسۋ ءوتىلى 10 جىل نەمەسە ودان از بولسا، سونداي-اق ەگەر مۇلدە جوق بولسا، بازالىق زەينەتاقى ەڭ تومەنگى كۇنكورىس (2021 جىلى 34 302 تەڭگە) دەڭگەيىنىڭ 54%-ىن (18 524 تەڭگە) قۇرايدى. سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتادى. مىسالى، ەگەر قاتىسۋ ءوتىلى 20 جىل بولسا، بازالىق زەينەتاقى ەڭ تومەن كۇنكورىس دەڭگەيىنىڭ 74%-ىن  (25 383 تەڭگە)، 30 جىل – ەڭ تومەن كۇنكورىس دەڭگەيىنىڭ 94%-ىن (34 123،88 تەڭگە) قۇرايدى. جۇمىس ءوتىلى 33 جانە ودان دا كوپ جىل بولسا، ەڭ تومەن كۇنكورىس دەڭگەيىنىڭ 100%-ى مولشەرىندە (34 302 تەڭگە) بەلگىلەنەدى.

ەگەر ءبىر اي ىشىندە ءبىرىڭعاي جيناقتاۋشى زەينەتاقى قورىنا بىرنەشە رەت مىندەتتى زەينەتاقى جارناسى جاسالسا، جيناقتاۋشى جۇيەگە قاتىسۋ مەرزىمى ءبىر ايدى قۇرايدى.

وسىلايشا، مىندەتتى زەينەتاقى جارنالارى نەعۇرلىم تۇراقتى جانە تولىق سالىناتىن بولسا، زەينەتاقى جاسىنا جەتكەندە بازالىق زەينەتاقى تولەمدەرىنىڭ مولشەرى سوعۇرلىم كوپ بولادى.

ءوز كەزەگىندە، جاسىنا بايلانىستى زەينەتاقى تولەمدەرىنىڭ مولشەرى 1998 جىلعى 1 قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكەرلىككە دەيىنگى كەزەڭدە الىنعان ورتاشا ايلىق تابىسقا بايلانىستى.