الماتى ورتالىق ساياباعى (بۇرىنعى گوركيي پاركى) اۋماعىندا اباي اتىنداعى قازاق ۇلتتىق ۋنيۆەرسيتەتى ستۋدەنتتەرىنە ارناپ جاتاقحانا سالۋ جوسپارلانۋدا. وسىعان وراي الماتىلىقتار 1 ناۋرىزدا وتەتىن قوعامدىق تىڭداۋعا قاتىسىپ، پىكىر بىلدىرە الادى، دەپ حابارلادى informburo.kz سايتى.
قوعامدىق تىڭداۋ بارىسىندا التىقاباتتىق جاتاقحانا قۇرىلىسىنىڭ قورشاعان ورتاعا اسەرى باعالانباق. جيىن 1 ناۋرىزدا ساعات 10:00-دە الماتى قالاسى ورتالىق ساياباق 10ء-ۇي مەكەنجايىندا وتەدى.
استىڭعى قاباتتان تۇراتىن 327 ورىنعا شاقتالعان جاتاقحانا ساياباقتىڭ وڭتۇستىك شىعىس جاعىندا، ۆولjترەك ماڭىندا سالىنادى دەپ جوسپارلانعان.
جەر تەلىمىنىڭ قولدانىلۋ ماقساتىن وزگەرتۋ تۋرالى قاۋلىعا الماتىنىڭ ەكس-اكىمى باۋىرجان بايبەك 2018 جىلى قويعان.
قوعامدىق تىڭداۋدى ۇيىمداستىرۋعا الماتى قالاسى جاسىل ەكونوميكا باسقارماسى جاۋاپتى. قۇرىلىسقا اباي اتىنداعى قازاق ۇلتتىق ۋنيۆەرسيتەتى تاپسىرىس بەرگەن.
ماسەلەگە بايلانىستى تالاپ-تىلەكتى قوعامدىق تىڭداۋ وتەردەن 3 كۇن بۇرىن اlmansur_almaty@mail.ru ەلەكتروندىق پوشتاسىنا جولداۋعا بولادى.
پىكىر قالدىرۋ