پرەزيدەنت قاسىم-جومارت توقايەۆ ايماقتاردىڭ الەۋەتىن ارتتىرۋ ماقساتىمەن كەزىندە الەۋمەتتىك-كاسىپكەرلىك كورپوراسيالار قۇرىلعانىن ايتتى.
– مۇنداي قۇرىلىمدار ءقازىر بارلىق وبلىستار مەن رەسپۋبليكالىق ماڭىزى بار قالالاردا جۇمىس ىستەيدى. ەندى الەۋمەتتىك-كاسىپكەرلىك كورپوراسيالاردى تولىققاندى ينستيتۋتقا اينالدىراتىن كەز كەلدى. وڭىرلىك كورپوراسيالاردىڭ جۇمىسى قوعامنىڭ اشىق ءارى تولىق باقىلاۋىندا بولۋعا ءتيىس. قۇزىرەتىنە جاتپايتىن جانە ماڭىزى تومەن اكتيۆتەردى ونىڭ قاراماعىنان الىپ تاستاعان ءجون، – دەدى پرەزيدەنت.
توقايەۆ وسى كورپوراسيالاردىڭ قىزمەتىن ۇيلەستىرۋ ءۇشىن اۋقىمدى جۇمىس جۇرگىزۋ قاجەتتىگىن اتاپ ءوتتى. ونىڭ ايتۋىنشا، ۇلتتىق ەكونوميكا مينيسترلىگىنىڭ اتالعان ماسەلەگە قاتىستى قۇزىرەتىن كۇشەيتۋ كەرەك.
پىكىر قالدىرۋ