ءبىلىم جانە عىلىم مينيسترلىگى ءبىرىنشى سىنىپ وقۋشىلارىنىڭ قۇجاتتارىن قابىلداۋ بيىل 1 ساۋىردە باستالىپ، 1 تامىزعا دەيىن جالعاساتىنىن حابارلادى.
"اتا-انالار مەكتەپتى الدىن-الا انىقتاپ، وقۋعا قاجەتتى قۇجاتتاردى ۋاقىتىلى تاپسىرۋعا، سونداي-اق بالالاردى وقۋ قۇرالدارىمەن قامتاماسىز ەتۋگە ءتيىس. مەكتەپ باسشىلىعى سىنىپتاردى جيناقتاپ، قاجەتتى وقۋلىقتاردى الدىن الا ساتىپ الادى. سونىمەن قاتار پەداگوگتەر قۇرامىن انىقتاپ، ساعات سانىن بولەدى" دەلىنگەن اقپاراتتىق حابارلامادا.
ءوتىنىشتى egov.kz ارقىلى بەرۋگە بولادى. قاجەتتى قۇجاتتار ءتىزىمى تومەندە ۇسىنىلعان.
- اتا-انالاردىڭ ءوتىنىشى (نەمەسە ولاردى الماستىراتىن تۇلعالار)؛
- بالانىڭ تۋۋ تۋرالى كۋالىگىنىڭ كوشىرمەسى؛
- "بالا دەنساۋلىعى پاسپورتى" 026/ۋ-3 نىسانى بويىنشا دەنساۋلىق جاعدايى تۋرالى قۇجات؛
- 063/ۋ نىسانى بويىنشا دەنساۋلىق جاعدايى تۋرالى قۇجات؛
- 3ح4 كولەمىندەگى 2 فوتو.
ءوتىنىش ءبىر جۇمىس كۇنى ىشىندە قاراستىرىلادى.
پىكىر قالدىرۋ