ءاليحان بوكەيحان – حالقىمىزدىڭ ءبىرتۋار پەرزەنتى، الاش قوزعالىسىنىڭ نەگىزىن قالاۋشى. بۇل تۋرالى پرەزيدەنت قاسىم-جومارت توقايەۆ twitter پاراقشاسىندا جازدى.

– بۇگىن – تاريحي تۇلعا ءاليحان بوكەيحاننىڭ تۋعانىنا 155 جىل. ول – حالقىمىزدىڭ ءبىرتۋار پەرزەنتى، الاش قوزعالىسىنىڭ نەگىزىن قالاۋشى. حح عاسىر باسىندا ءاليحان باستاعان قازاق زيالىلارى ۇلتتىق مۇددە جولىندا ايانباي ەڭبەك ەتىپ، مەملەكەتشىلدىكتىڭ وزىق ۇلگىسىن كورسەتتى، – دەپ جازدى توقايەۆ.

بۇگىن – كورنەكتى قوعام جانە مەملەكەت قايراتكەرى، ۇلت-ازاتتىق قوزعالىستىڭ ءتوراعاسى، الاش جەتەكشىسى، الاشوردا اۆتونوميالى ۇكىمەتىنىڭ ءتوراعاسى ءاليحان بوكەيحاننىڭ تۋعان كۇنى. ول 1866 جىلى 5 ناۋرىزدا بۇرىنعى قارقارالى ۋەزى، سەمەي وبلىسى، دالا ولكەسىندە دۇنيەگە كەلگەن.