قىزىلوردا وبلىسىندا ەكى مەديسينا قىزمەتكەرى وتكەن جىلدان بەرى جالعان پتر سىناعىن ساتۋمەن اينالىسىپ كەلگەن. بۇل تۋرالى سىبايلاس جەمقورلىققا قارسى قىزمەتى حابارلادى.
– قىزىلوردا وبلىسىنىڭ سىبايلاس جەمقورلىققا قارسى قىزمەتى 2020-2021 جىلدارى COVID-19 پتر سىنامالارىنىڭ تەرىس ناتيجەلەرى بار سەرتيفيكاتتاردى جۇيەلى تۇردە تەكسەرىستەن وتكىزبەي ساتۋمەن اينالىسقان 2 مەديسينا مەكەمەسىنىڭ قىزمەتكەرىنە قاتىستى قىلمىستىق ءىستى تەرگەۋدە.
پتر سىناعىنىڭ سەرتيفيكاتتارى ءارتۇرلى ماقساتتاردا پايدالانۋعا ارنالعان: ۆاحتالىق ادىسپەن جۇمىس ىستەيتىن جۇمىسشىلار، شەتەلگە ساياحاتتايتىن ادامدار، بايقوڭىر قالاسىنا كىرەتىن جانە تاعى باسقا، – دەدى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەگايداروۆ.
– بيىل جىل باستالعالى قىزىلوردا وبلىسىنىڭ تۇرعىندارىنان پتر تەستىنەن وتكەندىگى تۋرالى 60 جالعان كۋالىك انىقتالدى. وسىلايشا، مەديسينا قىزمەتكەرلەرىنىڭ قىلمىستىق ىس-ارەكەتتەرىنىڭ ناتيجەسىندە وبلىس ازاماتتارىنىڭ شەكسىز سانى تاۋەكەلگە ۇشىرادى. جەدەل ىزدەستىرۋ كەزىندە پتر COVID-19 سىنامالارىنىڭ جالعان سەرتيفيكاتتارى جاسالعان كومپيۋتەرلىك جابدىق پەن ءمور تاركىلەندى، – دەدى ول.
پىكىر قالدىرۋ