ءماجىلىستىڭ بۇرىنعى دەپۋتاتى، اكتەر ءارى ءانشى نۇرلان ءالىمجانوۆ جاڭا قىزمەتكە تاعايىندالدى. بۇل تۋرالى قالا اكىمدىگىنىڭ باسپا ءسوز قىزمەتى ايتتى.

"نۇرلان ءالىمجانوۆ نۇر-سۇلتان قالاسىنىڭ مادەنيەت باسقارماسىنا باسشى بولىپ تاعايىندالدى" دەلىنگەن حابارلامادا.

نۇرلان بايانعالي ۇلى ءالىمجانوۆ 1984 جىلى 29 ساۋىردە الماتى قالاسىندا دۇنيەگە كەلگەن.

2005 جىلى ت.ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ "مۋزىكالىق تەاتر مەن كينو اكتەرى" فاكۋلتەتىن، 2016 جىلى الماتى ەكونوميكا جانە ستاتيستيكا اكادەمياسىنىڭ "ەكونوميكا ي بيزنەس" فاكۋلتەتىن ءبىتىردى.

2003-2008 جىلدارى ع. مۇسىرەپوۆ اتىنداعى مەملەكەتتىك اكادەميالىق تەاترىنىڭ اكتەرى.

2019 جىلى نۇرلان ءالىمجانوۆ پارلامەنت ءماجىلىسىنىڭ دەپۋتاتى بولىپ سايلانعان.

"اعايىندىلار"، "تەمىرتاۋ كوكتەمى"، "بالالىق شاعىمنىڭ اسپانى"، "جاۋ جۇرەك مىڭ بالا"، "كوشباسشىنىڭ جولى – تەمىر تاۋى"، "كوشباسشىنىڭ جولى – وتتى وزەن" كوركەم فيلمدەرىندە باستى ءرولدى سومداعان.