قازاقستاننىڭ باس سانيتار دارىگەرى ەرلان قياسوۆ كوروناۆيرۋس ينفەكسياسىنىڭ تارالۋىن الدىن الۋ ماقساتىندا قاۋلىسىنا وزگەرىستەر مەن تولىقتىرۋلار ەنگىزدى.
2020-2021 وقۋ جىلىنىڭ ءتورتىنشى توقسانىندا:
- كونتينگەنتى 300 وقۋشىعا دەيىنگى قالالىق جانە اۋىلدىق مەكتەپتەردە سىنىپتارداعى بالا سانى 25-تەن اسىرىلماي ءداستۇرلى فورماتتا وقىتىلادى؛
- ءبىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات ەتىلەدى؛
- جاسىل جانە سارى ايماقتا ورنالاسقان وڭىرلەردەگى جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى ءۇشىن بالا سانى 25-تەن اسپاي ارالاس فورماتتا وقىتىلادى.
ال كوروناۆيرۋستىڭ "قىزىل" ايماعىندا ورنالاسقان وڭىرلەردە:
- جالپى ءبىلىم بەرەتىن مەكتەپتەردە 1 سىنىپتان باستاپ 5 سىنىپتى قوسا العاندا، حالىقارالىق مەكتەپتەردە 1 سىنىپتان باستاپ 7 سىنىپتى قوسا العاندا، مەكتەپ الدى سىنىپتارىنىڭ وقۋشىلارى ءۇشىن سىنىپتارداعى بالا سانىن 25-تەن اسىرماي ارالاس فورماتتا وقىتىلادى؛
- وقۋ بىتىرەتىن سىنىپتار (9، 11 (12) سىنىپتار) ءۇشىن اپتانىڭ 6 كۇنى ىشىندە: پاندەردىڭ 70%-ىن شتاتتىق رەجيمدە، 30%-ىن قاشىقتان ارالاس فورماتتا وقىتۋعا رۇقسات ەتىلەدى.
وسى قاۋلى 26 ناۋرىز ساعات 00:00-دەن باستاپ كۇشىنە ەنەدى.
پىكىر قالدىرۋ