مەملەكەت باسشىسى قاسىم-جومارت توقايەۆ اقمولا جانە سولتۇستىك قازاقستان وبلىستارىنىڭ اكىمدەرىمەن تەلەفون ارقىلى سويلەستى. اكىمدەر پرەزيدەنتكە وڭىرلەردەگى قازىرگى احۋال تۋرالى باياندادى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي facebook پاراقشاسىندا حابارلادى.
اقمولا وبلىسىنىڭ اكىمى ەرمەك مارجىقپايەۆ ءوڭىردىڭ الەۋمەتتىك-ەكونوميكالىق دامۋ كورسەتكىشتەرى، سۋ تاسقىنىنىڭ الدىن الۋ شارالارى، ۆاكسينا سالۋ بارىسى، ارشالى جانە سەلينوگراد اۋداندارىن كوگىلدىر وتىنمەن قامتاماسىز ەتۋ ماسەلەلەرى، پرەزيدەنتتىڭ قوسشى اۋىلىنىڭ الەۋمەتتىك جانە ينجەنەرلىك ينفراقۇرىلىمدىق جاعدايىن جاقسارتۋعا قاتىستى بۇعان دەيىن بەرگەن تاپسىرماسىنىڭ ورىندالۋ بارىسى جايىندا اقپارات بەردى.
سولتۇستىك قازاقستان وبلىسىنىڭ اكىمى قۇمار اقساقالوۆ ايماقتاعى سانيتارلىق-ەپيدەميولوگيالىق جاعداي، سۋ تاسقىنىن بولدىرماۋعا قاتىستى قابىلدانىپ جاتقان شارالار، كوكتەمگى ەگىن ەگۋ جۇمىستارىنا دايىندىق بارىسى، جۇمىس كۇشى كوپ وڭىرلەردەن سولتۇستىك قازاقستان وبلىسىنا قونىس اۋدارىپ جاتقان ازاماتتاردى "ەڭبەك" باعدارلاماسى بويىنشا باسپانامەن قامتۋ ماسەلەسى جايىندا ايتتى.
"اڭگىمەلەسۋ سوڭىندا قاسىم-جومارت توقايەۆ ەرمەك مارجىقپايەۆ پەن قۇمار اقساقالوۆقا ايماقتارداعى سانيتارلىق-ەپيدەميولوگيالىق احۋالدى تۇراقتاندىرۋعا، كوكتەمگى ەگىس ناۋقانىن جوعارى دەڭگەيدە اتقارۋعا جانە تاعى دا باسقا ماسەلەلەرگە قاتىستى ءبىرقاتار تاپسىرما بەردى" دەلىنگەن حابارلامادا.
