نۇر-سۇلتان قالاسىنداعى "شاپاعات" بازارىنان ءورت شىقتى. بۇل تۋرالى قالالىق توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.
دەپارتامەنت مالىمەتىنشە، 2 ءساۋىر ساعات 22:30-دا ءورت سوندىرۋشىلەرگە سارىارقا اۋدانى بوگەنباي باتىر داڭعىلى 69 مەكەنجايىندا ورنالاسقان شاپاعات بازارى ورتەنىپ جاتقانى تۋرالى حابار تۇسكەن.
"ءورت سوندىرۋشىلەر جەتكەندە، 50 شارشى مەتر اۋماقتا شاتىر مەن قاپتامانىڭ ورتەنىپ جاتقانى انىقتالدى.
عيمارات ءىشى ورتەنبەگەن. زارداپ شەگۋشىلەر مەن قازا بولعاندار جوق. جەدەل شتابى قۇرىلدى. ءورت ورنىنا قالالىق توتەنشە جاعدايلار دەپارتامەنتىنىڭ 8 بىرلىك تەحنيكاسى مەن جەكە قۇرامنىڭ 32 ادامى جۇمىلدىرىلعان" دەلىنگەن حابارلامادا.
دەپارتامەنت مالىمەتىنشە، ساعات 23:15-تە ءورت تولىق اۋىزدىقتالعان.
پىكىر قالدىرۋ