قىستا قار جاۋسا، ويباي، كۇتپەگەن توسىن جاعداي بولدى، بىلمەي قالدىم قاڭتاردا قار تۇسەتىنىن دەۋشى ەدىڭ. جارايدى، ونىڭا دا ەتىمىز ۇيرەندى. ال بيىل سول كىسىنىڭ 155 جىلدىعى ەكەنىن بىلمەدىم، ەستىمەدىم دەشى. بۇل دا تاڭسىق پا ساعان؟ سونىڭ اتىنداعى مىنا استاڭ-كەستەڭى شىققان كوشەنى كۇنى بۇرىن جوندەپ، اسفالتىن توسەسەڭ بىرەۋ سەنىڭ قولىڭنان قاعار ما ەدى؟ الدە وعان دا بۇيرىق كۇتىپ وتىرسىڭ با؟" دەيدى جۋرناليست.

 

 

ال Semeitv تەلەارناسىنىڭ ءجۋرناليسى قۋانىش راحمەتوللا ۇلىنىڭ ">سوزىنشە، الاشوردانىڭ استاناسى بولعان سەمەي قالاسىندا ءاليحان بوكەيحانوۆتىڭ ەسىمى ۇزىندىعى 1 شاقىرىمدىق، قالا سىرتىنداعى جولسىز كوشەگە بەرىلگەن.

 

 

جۋرناليست الاشتىڭ رۋحاني استاناسى  – سەمەي قالاسىندا قازاق تاۋەلسىزدىگى ءۇشىن جانىن پيدا ەتكەن تۇلعاعا قالا ورتالىعىنان ءبىر كوشە بۇيىرماي كەلە جاتقانىن جەتكىزگەن.

 

الماتىدا دا ءاليحان بوكەيحانوۆ اتىنداعى كوشە تار ءارى قىسقا. "باراحولكا" اتالىپ كەتكەن بازاردىڭ ارتقى جاعىنداعى بۇرىنعى اەرودرومنايا كوشەسى ءقازىر "بوكەيحانوۆ" اتالىپ تۇر.

 

قازاقستاندا كەي ازاماتتار ءاليحان بوكەيحانوۆتى بەيرەسمي تۇردە قازاقتىڭ تۇڭعىش پرەزيدەنتى دەپ سانايدى.

 

ال ەلدى 30 جىلعا جۋىق باسقارعان قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ قۇرمەت-قوشەمەتكە كەندە ەمەس.

 

2019 جىلعى 20 ناۋرىزدا پرەزيدەنت قىزمەتىنە كىرىسكەن قاسىم-جومارت توقايەۆ انت بەرۋ ءراسىمى كەزىندە ەل استاناسىنا نۇرسۇلتان نازاربايەۆتىڭ ەسىمىن بەرۋدى ۇسىنىپ، وبلىس ورتالىقتارىنداعى نەگىزگى كوشەلەردى نۇرسۇلتان نازاربايەۆتىڭ قۇرمەتىنە اتاۋ كەرەك دەگەن تاپسىرما بەرگەن. سودان بەرى استانا اتاۋى نۇر-سۇلتانعا اۋىستىرىلىپ، وبلىس ورتالىقتارىنداعى باستى كوشەلەر نازاربايەۆ ەسىمىن الا باستادى.

 

ونىڭ ىشىندە قازاق حالقى ءۇشىن كيەلى ۇعىمدارمەن اتالعان كوشەلەرگە، ۇلت ويشىلدارى مەن بەلگىلى تۇلعالار ەسىمىمەن اتالىپ كەلگەن كوشەلەرگە نازاربايەۆ ەسىمى بەرىلدى. ماسەلەن، وسكەمەن، پاۆلودار، تالقىقورعان قالالارىنداعى تاۋەلسىزدىك كوشەلەرى، تاراز قالاسىنداعى تولە بي داڭعىلى، قوستانايداعى اباي داڭعىلى، اتىراۋداعى قانىش ساتپايەۆ داڭعىلى، شىمكەنتتەگى استانا داڭعىلى، ورالداعى دوستىق-درۋجبا كوشەسى، اقتوبەدەگى ءابىلقايىر حان داڭعىلىنىڭ ءبىر بولىگى، قىزىلورداداعى جىبەك جولى كوشەسى، ورالداعى دوستىق داڭعىلى، الماتىداعى فۋرمانوۆ كوشەسى، پەتروپاۆلداعى مير كوشەسى، كوكشەتاۋداعى ماكسيم گوركيي كوشەسى نۇرسۇلتان نازاربايەۆتىڭ قۇرمەتىنە اتالدى. قاراعاندىدا بەيبىتشىلىك بۋلۆارى مەن نارمانبەت تولەپوۆ كوشەسىن قوسۋ ارقىلى نۇرسۇلتان نازاربايەۆ داڭعىلى پايدا بولدى. سونداي-اق كوشەلەرى ىقشاماۋداندارمەن بولىنگەن اقتاۋدا ارنايى نازاربايەۆ داڭعىلى اشىلعان.