پرەزيدەنت قاسىم-جومارت توقايەۆ بۇگىن "سپۋتنيك V" ۆاكسيناسىنىڭ ەكىنشى كومپونەنتىن الدى. بۇل تۋرالى ونىڭ باسپا ءسوز حاتشىسى بەرىك ءۋالي حابارلادى.
– ەكپە سالدىرعاننان كەيىن پرەزيدەنتتىڭ دەنساۋلىعىندا ەشقانداي كىنارات بايقالعان جوق. ءوزىنىڭ جۇمىس كەستەسىنە سايكەس قىزمەتىن قىزۋ اتقارىپ جاتىر.
قاسىم-جومارت كەمەل ۇلى ەلىمىزدەگى ۆاكسيناسيا قارقىنىن تومەندەتپەۋ كەرەك دەپ سانايدى. مەملەكەت باسشىسى ەكپە سالدىرۋ بارلىق شەكتەۋلەردەن ارىلتىپ، قايتا قالىپتى ومىرگە باستايتىن، COVID-19 پاندەمياسىن جەڭەتىن جالعىز جول ەكەنىنە كامىل سەنەدى، – دەپ جازدى بەرىك ءۋالي.
ەسكە سالا كەتەيىك، پرەزيدەنت ۆاكسينانىڭ ءبىرىنشى كومپونەنتىن 6 ساۋىردە سالدىرعان بولاتىن.
