نۇرسۇلتان نازاربايەۆ قازاقستان حالقى اسسامبلەياسى ءتوراعاسى قىزمەتىنەن كەتىپ، وكىلەتتىگىن پرەزيدەنت قاسىم-جومارت توقايەۆقا وتكىزەدى. بۇل تۋرالى قازاقستان حالقى اسسامبلەياسىنىڭ ەلورداداعى "بىرلىكتىڭ، تاتۋلىق پەن كەلىسىمنىڭ 30 جىلى" دەپ اتالاتىن كەزەكتى وتىرىسىندا بەلگىلى بولدى، دەپ جازادى sputnik.kz سايتى.
– ەلباسى تۋرالى كونستيتۋسيالىق زاڭعا سايكەس، ماعان قحا-نى ءومىر بويى باسقارۋعا قۇقىق بەرىلگەنى ءمالىم. ءبىراق مەن تۇبەگەيلى باس تارتپايمىن، ۇدايى سىزدەرمەن بولامىن. ءبىراق ءبىرقاتار وكىلەتتىكتەر پرەزيدەنتكە بەكىتىلگەن. قحا قازىرگى پرەزيدەنتكە ارقا سۇيەۋگە ءتيىس. مەملەكەت باسشىسى دا قحا-عا ارقا سۇيەيدى. مەن قازاقستان حالقى اسسامبلەياسىن باسقارۋ قۇقىعىن توقايەۆقا بەرۋدى شەشتىم، – دەدى نۇرسۇلتان نازاربايەۆ.
قازاقستاندى 30 جىلعا جۋىق باسقارعان نۇرسۇلتان نازاربايەۆ 2019 جىلعى 19 ناۋرىزدا پرەزيدەنت رەتىندە وكىلەتتىگىن توقتاتقان. الايدا قاۋىپسىزدىك كەڭەسى مەن NurOtan پارتياسىنا ءتوراعالىق ەتۋ ارقىلى بيلىككە ءالى ىقپال ەتىپ وتىر.
پىكىر قالدىرۋ