"Ashyq" جوباسى ەل اۋەجايلارىنا ەنگىزىلىپ جاتىر. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى اسەت تۇرىسوۆ مالىمدەدى.

– 2021 جىلدىڭ 11 مامىرىنان باستاپ كولىكتەگى باس سانيتارلىق دارىگەردىڭ قاۋلىسىمەن "Ashyq" جوباسىنا قاتىساتىن اۋەجايلاردى قوسپاعاندا، قىزىل ايماقتا ورنالاسقان شىعارىپ سالۋشىلار مەن قارسى الۋشىلاردىڭ اۋەجاي عيماراتتارىنا كىرۋىن شەكتەۋ بويىنشا تالاپتار قويىلدى. 2021 جىلعى 12 مامىردان باستاپ نۇر-سۇلتان قالاسىنىڭ اۋەجايى وسى جوباعا قوسىلدى، – دەدى ۆيسە-مينيستر. 

ونىڭ ايتۋىنشا، شىعارىپ سالاتىن جانە قارسى الاتىن جولاۋشىلار اۋەجاي عيماراتىنا قوسىمشانىڭ كومەگىمەن وتەدى.

– "Ashyq" اۋەجايدا از ۋاقىتتىڭ ىشىندە ءوزىنىڭ تيىمدىلىگىن كورسەتتى. مارتەبەسى قىزىل – 8، مارتەبەسى سارى 9 جولاۋشى انىقتالدى. بۇل ىندەت جۇقتىرعانىن، اۋىرىپ جۇرگەنىن بىلە تۇرا، ادامداردىڭ كوبى اۋەجايعا كەلىپ، قازاقستان بويىنشا جۇرۋگە تىرىساتىنىن كورسەتەدى. سونىمەن قاتار، 21 مامىردان باستاپ "Ashyq" الماتى قالاسىنىڭ اۋەجايىندا ەنگىزىلەدى، – دەپ ايتتى اسەت تۇرىسوۆ.