دەنساۋلىق ساقتاۋ ءمينيسترى الەكسەي سوي ۇكىمەتتىڭ كەڭەيتىلگەن وتىرىسىندا ەپيدەميولوگيالىق جاعدايدىڭ ءۇش سەنارييىن اتادى.

– پەسسيميستىك سەناريي بويىنشا، ۆاكسينانىڭ تيىمدىلىگى 60%-دان تومەن بولعان كەزدە، ماۋسىم-قىركۇيەكتە شامامەن ءقاۋىپتى ىندەتتى جۇقتىرعاندار 95 مىڭعا جۋىقتايدى.

رەاليستىك سەناريي بويىنشا، ۆاكسينانىڭ تيىمدىلىگى 80%-دان كەم بولماسا، ماۋسىم-قىركۇيەكتە شامامەن كوروناۆيرۋس جۇقتىرۋ فاكتىسىمەن 69 مىڭ ادام تىركەلەدى.

وپتيميستىك سەناريي بويىنشا، ۆاكسينانىڭ تيىمدىلىگى 95%-دان كەم بولماعاندا، ماۋسىم-قىركۇيەكتە 61 مىڭعا جۋىق ادام ىندەتكە شالدىعادى دەپ بولجانىپ وتىر، – دەدى مينيستر.

الەكسەي سوي اتالعان 3 سەنارييدىڭ ءبىرىنىڭ جۇزەگە اسىرىلۋى ۆاكسيناسيا ماسەلەسىندەگى ازاماتتاردىڭ بەلسەندىلىگىنە تىكەلەي بايلانىستى ەكەنىن اتاپ ءوتتى.