ايتۋىنشا، قازاقستاندا جوعارى تەحنولوگيالىق كومەك كورسەتۋ كولەمى ۇلعايىپ، جاڭا پەريناتالدىق ورتالىقتار سالىنىپجاتىر. يننوۆاسيالىق ازىرلەمەلەر ەنگىزىلۋدە. بۇل – سيرەك كەزدەسەتىن جانە كۇردەلى اۋرۋلارعا ءساتتى دياگنوز قويىپ، ەمدەۋگە مۇمكىندىك بەرگەن.

 

– ءبىز ەڭ ماڭىزدى ەكى كورسەتكىشتىڭ جاقسارعانىن بايقايمىز – ءومىر ءسۇرۋ ۇزاقتىعى ارتىپ، تۋۋ كورسەتكىشى وسۋدە. وسى جەتىستىكتەردىڭ ءارقايسىسىنىڭ ارتىندا، ارينە، ءسىزدىڭ ۇلكەن ەڭبەگىڭىز، ياعني مەديسينا قىزمەتكەرلەرى، ءوز ىسىنە جاۋاپكەرشىلىكپەن قارايتىن ءتۇرلى ماماندىقتاعى ادامدار تۇر. پاندەميا ءبىزدى كوپتەگەن قۇندىلىقتاردى قايتا قاراۋعا ءماجبۇر ەتتى، اسىرەسە اق حالاتتاعى ادامدارعا دەگەن كوزقاراستى وزگەرتتى. ولار ەكى جىل بويى كورىنبەيتىن جاۋمەن كۇرەسەدى، ءار ناۋقاستىڭ ءومىرىن ساقتاۋ ءۇشىن ءوز دەنساۋلىعىنا ءقاۋىپ توندىرەدى. اۋرۋ جانە ساۋىققانداردىڭ ءبىرىڭعاي ساندارىنىڭ ارتىندا پاندەميامەن كۇرەستە مىڭداعان مەديسينا قىزمەتكەرلەرىنىڭ قاجىرلى جانە باتىرلىق ەڭبەگى جاتىر. ءبىزدىڭ بارلىق مەديسينا قىزمەتكەرلەرىمىزگە ولاردىڭ قازاقستاندىقتاردىڭ دەنساۋلىعىن قورعاۋعا قوسقان باعا جەتپەس ۇلەسى ءۇشىن شىنايى العىسىمدى بىلدىرگىم كەلەدى. قۇرمەتتى دارىگەرلەر، فەلدشەرلەر، مەيىرگەرلەر، كىشى مەديسينالىق قىزمەتكەرلەر، سىزدەر ءوز ماماندىقتارىنا ادال جۇرەكتەرىڭىز بەن جان – دۇنيەلەرىڭىزدى بەرىپ جۇمىس ىستەيسىزدەر. سالا ارداگەرلەرىنە ەرەكشە العىس سوزدەر ايتىلدى. ءسىزدىڭ تاجىريبەڭىز ءداستۇردى ساقتاۋعا كومەكتەسەدى جانە مامانداردىڭ جاڭا بۋىنىنا ۇلگى بولادى. قۇرمەتتى ارىپتەستەر، سىزدەردى كاسىبي مەرەكەلەرىڭىزبەن تاعى دا قۇتتىقتايمىن جانە سىزدەرگە جانە وتباسىلارىڭىزعا دەنساۋلىق، تاتۋلىق تىلەيمىن!، – دەدى مينيستر facebook پاراقشاسىندا.