باتىربەك ءابدىلدين دەنساۋلىق ساقتاۋ مينيسترلىگى اپپاراتىنىڭ باسشىسى لاۋازىمىنا تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.

"دەنساۋلىق ساقتاۋ ءمينيسترىنىڭ بۇيرىعىمەن باتىربەك سۇلتان ۇلى ءابدىلدين دەنساۋلىق ساقتاۋ مينيسترلىگى اپپاراتىنىڭ باسشىسى لاۋازىمىنا تاعايىندالدى" دەلىنگەن حابارلامادا.

باتىربەك ءابدىلدين 1982 جىلى قوستاناي وبلىسىندا دۇنيەگە كەلگەن.

ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن، ورتالىق ازيا ۋنيۆەرسيتەتىن، سينگاپۋر ۋنيۆەرسيتەتىن ءتامامداعان.

ەڭبەك جولىن 2001 جىلى قازاقستانداعى شەتەلدىك كوممەرسيالىق ۇيىمنىڭ وكىلى رەتىندە باستاعان.

2002-2005 جىلدارى – يندۋستريا جانە ساۋدا مينيسترلىگىنىڭ "قۇرىلىس كونسالتينگ" اق مامانى؛ مەملەكەتتىك ساتىپ الۋ ءبولىمىنىڭ باسشىسى؛ ديرەكتورىنىڭ ورىنباسارى.

2005-2009 جىلدارى جەكە ۇيىمداردا باسشىلىق قىزمەتتەردى اتقاردى.

2009-2011 جىلدارى – "زاماناۋي مەديسينالىق تەحنولوگيالاردى ەنگىزۋ ورتالىعى" رمك مەملەكەتتىك ساتىپ الۋ جانە ماتەريالدىق قامتاماسىز ەتۋ ءبولىمىنىڭ باسشىسى؛ ديرەكتورىنىڭ ورىنباسارى.

2011-2015 جىلدارى – "استانا قالاسى اكىمدىگىنىڭ №1 قالالىق اۋرۋحاناسى" مكك باس دارىگەرىنىڭ ورىنباسارى.

2015-2020 جىلدارى جەكە سەكتوردا ەڭبەك ەتكەن.

2018-2019 جىلدارى – قازاقستاننىڭ مەديسينالىق تۋريزم قاۋىمداستىعىنىڭ اتقارۋشى ديرەكتورى.

2020 جىلعى قىركۇيەكتەن باستاپ قازىرگى ۋاقىتقا دەيىن – دەنساۋلىق ساقتاۋ مينيسترلىگى جوبالىق كەڭسەسىنىڭ باسشىسى.