اقتوبە وبلىسىندا جول اپاتىنان ءتورت ادام قايتىس بولدى. بۇل تۋرالى وڭىرلىك  موي گورود باسىلىمى حابارلادى.

قايعىلى وقيعا 19 ماۋسىم ساعات 20:20 شاماسىندا قوبدا-ويىل تاس جولىندا بولعان. ويىل اۋىلىنان قوبدا اۋىلىنا قاراي ءجۇرىپ كەلە جاتقان تoyota Land Cruiser Prado كولىگىنىڭ جۇرگىزۋشىسى جول قوزعالىسى ەرەجەسىن بۇزىپ، كولىكتى باسقارا الماي قالعان.

كولىكتە 4 مەكتەپ ديرەكتورى بولعان. ولار ويىل اۋدانىنىڭ قاسيەتتى جەرلەرىنە دەمالۋعا بارعاەى حابارلاندى. جول اپاتى دەمالىستان ۇيلەرىنە قايتىپ كەلە جاتقاندا بولعان. سالدارىنان №20 مەكتەپ ديرەكتورى باعدات ۇرىمبايەۆا مەن №33 مەكتەپ ديرەكتورى الميرا وراقوۆا جانە كولىك جۇرگىزۋشىسى مەن تاعى ءبىر جولاۋشى وقيعا ورنىندا جان تاپسىرعان. تاعى ەكى مەكتەپ ديرەكتورى اۋىر حالدە جانساقتاۋ بولىمىندە جاتىر.

ءقازىر اتالعان وقيعا قىلمىستىق كودەكستىڭ 345-بابى 3-تارماعى بويىنشا (ابايسىزدا ادام ولىمىنە اكەپ سوققان، جول قوزعالىسى ەرەجەلەرىن بۇزۋ) سوتقا دەيىنگى تەرگەۋ باستالدى.