قازاقستاندا سوڭعى ەكى اپتادا جول اپاتىنان 88 ادام قازا تاپتى. بۇل تۋرالى ىشكى ىستەر مينيسترلىگىنىڭ رەسمي وكىلى ءنۇردىلدا وراز مالىمدەدى.  

مينيسترلىك وكىلى جول-كولىك وقيعاسىنان قايتىس بولعانداردىڭ اراسىندا 8 كامەلەتكە تولماعان بالا بارىن ايتتى.  

– ەڭبەك دەمالىسى كەزەڭى كەلىسىمەن اۆتوكولىك قوزعالىسىنىڭ جيىلىگى ءوسىپ وتىر. سونىڭ اسەرىنەن كولىكتەن كەلەتىن قاۋىپ-قاتەر ارتتى. كەيىنگى 2 اپتادا 428 جول-كولىك وقيعاسى كەزىندە 88 ادام كوز جۇمىپ، تاعى 505 ادام جاراقات الدى. ونىڭ ىشىندە 92 كولىك اپاتىندا كامەلەت جاسىنا تولماعان 8 بالا قايتىس بولىپ، 102ء-سى زارداپ شەكتى. قايتىس بولعاندار مەن زارداپ شەككەندەردىڭ ۇشتەن ءبىرى جاياۋ جۇرگىنشىلەر ،– دەدى ءنۇردىلدا وراز.

ونىڭ ايتۋىنشا، جۇرگىزۋشىلەر مەن جاياۋ جۇرگىنشىلەردىڭ جول ەرەجەسىن ساقتاماۋى جول اپاتتارىنىڭ نەگىزگى سەبەبى بولىپ وتىر 

– قالا سىرتىنداعى جولداردا بولاتىن اپاتتاردىڭ كىسى ءولىمى كورسەتكىشى جوعارى. جۇرگىزۋشىلەر جىلدامدىق رەجيمىن ساقتاماي جانە قارسى باعىتپەن ءجۇرۋى سەبەپ. ال ەلدى-مەكەن اۋماقتارىن جاياۋ جۇرگىنشى جولاعىن كەسىپ جانە جىلدامدىقتى ارتتىرۋ دەرەگى ءجيى تىركەلەدى، – دەدى ن. وراز.