نۇر-سۇلتان اكىمى التاي كولگىنوۆ جاڭادان ۆاكسينا سالدىرعاندار اراسىندا ەكى بولمەلى پاتەر ۇتىسقا تىگىلەتىنىن ايتتى. بۇل تۋرالى ول Instagram پاراقشاسىندا حابارلادى.

– ۇجىمدىق يممۋنيتەتتى قالىپتاستىرۋ ءۇشىن قالا حالقىنىڭ 60%-تەن استامى ۆاكسينالانۋى قاجەت. سانيتار دارىگەرلەر قوسىمشا كارانتيندىك شەكتەۋلەر تۋرالى جاڭا قاۋلى دايىنداپ جاتىر: قاۋىپ-قاتەر توبى ءۇشىن ۆاكسينالاۋ مىندەتتى، ۆاكسينالانباعان قىزمەتكەرلەردى قاشىقتان جۇمىس ىستەۋ رەجيمىنە كوشىرۋ تالاپ ەتىلەدى، – دەدى اكىم.

كولگىنوۆ قالا تۇرعىندارىن ۆاكسيناسياعا ىنتالاندىرۋ ءۇشىن باعالى سىيلىقتار ويناتىلاتىنىن اتاپ ءوتتى.

– جاڭادان ۆاكسينالانعاندار اراسىندا ەكى بولمەلى پاتەر ويناتىلادى (ينۆەستورلار ەسەبىنەن). ۇتىس ويىنىنا قالا ەمحانالارىندا نەمەسە سوو/ءسۇ پۋنكتتەرىندە ەكپە العان قالا تۇرعىندارىنىڭ ءبارى قاتىسا الادى.

ال پاتەر ۇتىس ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكسينانىڭ ءبىرىنشى كومپونەنتىن الاتىن 18 جاستان اسقان قالا تۇرعىندارى قاتىسا الادى. قىركۇيەك ايىنىڭ باسىندا ناتيجەسىن جاريالايمىز. كونكۋرستىڭ ءادىل ءوتۋى جانە ۆاكسيناسيالانعانداردى تولىعىمەن قامتۋ ءۇشىن (كورسەتىلگەن كەزەڭدە) IT-قوعامداستىقتى جۇمىلدىرامىز، – دەدى قالا باسشىسى.

بۇعان دەيىن ەلوردا اكىمى "MEGA Silk Way" ساۋدا ويىن ورتالىعىندا ۆاكسينالانعاندار اراسىندا اۆتوكولىك ۇتىس ويىنى وتەتىنىن حابارلاعان.