قازاقستاننىڭ تۇڭعىش پرەزيدەنتى نۇرسۇلتان نازاربايەۆقا قازاقستان حالقى اسسامبلەياسىن ءومىر بويىنا باسقارۋ قۇقىعى ازىرلەنىپ جاتىر، دەپ حابارلادى kaztag.kz سايتى.
ەل ۇكىمەتى بۇيرىق جوباسىن پرەزيدەنت قاراۋىنا ۇسىنۋ تۋرالى ءتيىستى قاۋلى قابىلداپ ۇلگەرگەن.
قازاقستان رەسپۋبليكاسى پرەزيدەنتىنىڭ 2011 جىلعى 7 قىركۇيەكتەگى №149 جارلىعىمەن بەكىتىلگەن "قازاقستان حالقى اسسامبلەياسى تۋرالى ەرەجەگە" ەنگىزىلگەلى جاتقان وزگەرىستەر مەن تولىقتىرۋلارعا ساي، قازاقستان رەسپۋبليكاسىنىڭ پرەزيدەنتى" دەگەن 5 پۋنكتكە "قازاقستان رەسپۋبليكاسىنىڭ پرەزيدەنتى – ەلباسىعا اسسامبلەيانى ءومىر بويى باسقارۋ قۇقىعى تيەسىلى، ول ودان باس تارتا الادى" دەگەن 5-1 پۋنت قوسىلماق.
قازاقستاننىڭ تۇڭعىش پرەزيدەنتى نۇرسۇلتان نازاربايەۆ ەلدى 30 جىلعا جۋىق باسقارىپ، 2019 جىلعى 19 ناۋرىزدا ءوز ەركىمەن وكىلەتتىگىن توقتاتقان. دەگەنمەن ول ۇلكەن سياياساتتان تولىق كەتكەن جوق. ن.نازاربايەۆ بۇگىندە قازاقستان رەسپۋبليكاسىنىڭ قاۋىپسىزدىك كەڭەسىنە، "Nur Otan" پارتياسىنا، "سامۇرىق-قازىنا" ۇلتتىق ءال-اۋقات قورىن باسقارۋ جونىندەگى كەڭەسكە، نازاربايەۆ ۋنيۆەرسيتەتى، زياتكەرلىك مەكتەبى جانە قوردىڭ جوعارى قامقورشىلىق كەڭەسىنە ءتوراعالىق ەتەدى.
پىكىر قالدىرۋ