ۇلتتىق ەكونوميكا ءمينيسترى اسەت ەرعالييەۆ كۇن سايىن ءبىر جارىم ساعاتىن مەملەكەتتىك ءتىلدى ۇيرەنۋگە جۇمسايتىنىن ايتتى.
– قازاق ءتىلىن ۇيرەنۋ ءۇشىن كۇندەلىكتى ءبىر جارىم ساعات رەپەتيتورمەن اينالىسامىن. جاقىن ارادا قازاقشا تازا سويلەيمىن دەپ ۋادە بەرەمىن. ۇلتتىق ەكونوميكا مينيسترلىگىندە ءتيىستى بولىمشەنىڭ قىزمەتكەرى بار، ول ماعان قازاق ءتىلىن ۇيرەتەدى. بىزدە كەز كەلگەن مينيسترلىكتە سياقتى مەملەكەتتىك ورگاندا قۇجات اۋدارۋمەن اينالىساتىن اۋدارماشىلار بار. ولاردىڭ اراسىندا قازاق ءتىلىن جاقسى بىلەتىن ماماندار بار. ءبىز بىرگە وتىرامىز جانە ءار ەسەپكە دايىندالامىز. ولاردىڭ بىرنەشە جىلدار بويى جيناقتالعان وزىندىك ادىستەمەلىك بازاسى بار. سول ارقىلى مەن قازاق ءتىلىن ۇيرەنەمىن، – دەدى ءا. ەرعالييەۆ.
بۇعان دەيىن اقپاندا ۇكىمەتتەگى ەڭ جاس مينيستر اسەت ەرعالييەۆ دەپۋتات بەرىك دۇيسەنبينوۆ مەملەكەتتىك تىلدە قويعان سۇراعىنا مەملەكەتتىك تىلدە جاۋاپ بەرە الماي، سىنعا ۇشىراعان بولاتىن. مينيستر سول كەزدە جۋىق ارالىقتا قازاقشا ۇيرەنۋگە ۋادە بەرگەن.
پىكىر قالدىرۋ