دسم سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماگامبەتوۆا ۆاكسينا سالدىرعاننان كەيىن كوروناۆيرۋس جۇقتىرعاندار سانىن ايتتى. بۇل تۋرالى ول ورتالىق كوممۋنيكاسيالار الاڭىندا وتكەن بريفينگتە مالىمدەدى.

– بۇگىنگى تاڭدا ەل بويىنشا ۆاكسينا سالدىرعاننان كەيىن 2212 كوروناۆيرۋس جۇقتىرۋ جاعدايى تىركەلدى. سونىڭ ىشىندە ءبىرىنشى كومپونەتتەن كەيىن 1308 جاعداي، ەكىنشى كومپونەنتتەن كەيىن 904 جاعداي انىقتالدى

ۆاكسينالارعا جىكتەپ ايتساق، "سپۋتنيك-V" بويىنشا 2024 جاعداي انىقتالدى. ءبىرىنشى كومپونەنت – 1 190، ەكىنشى كومپونەنت – 834. QazVac بويىنشا 40 جاعداي تىركەلدى. سايكەسىنشە، 21 جانە 19. Hayat-Vax بويىنشا 140 (89/51) جانە CoronaVac بويىنشا 6 ادام ءبىرىنشى دوزادان كەيىن كوروناۆيرۋس جۇقتىرعان. وسىنىڭ ءبارىن قوسساڭىز 2 212 جاعداي شىعادى. ءبىراق بۇل مالىمەتتى ءابسوليۋتتى ساندار كولەمىندە قولدانۋ دۇرىس ەمەس دەپ ويلايمىن، – دەدى ا. ەسماعامبەتوۆا.

ونىڭ ايتۋىنشا، بۇگىندە ەلدە 4 ملن-عا جۋىق ادام ەكپە العان. سونىڭ 0،05 پايىزى ۆاكسينا سالدىرعاننان كەيىن اۋىرعان.