پرەزيدەنت قاسىم-جومارت توقايەۆ كەيبىر جەكەلەگەن سالالار مىندەتتى تۇردە ۆاكسينا سالدىرۋ قاجەتتىگىن ايتتى.
– اشىعىن ايتۋ كەرەك، قازىرگى ۆاكسيناۋيالاۋ جۇمىسىنىڭ قارقىنى ءالى دە ماردىمسىز، ناقتى قادامدار جاساۋ قاجەت. تۇپتەپ كەلگەندە ازاماتتارىمىز ءوزىنىڭ جانە جاقىن تۋىستارىنىڭ دەنساۋلىعىن ويلاپ، سانالى تۇردە شەشىم قابىلداۋى قاجەت. انتيۆاكسەرلەردىڭ قاۋەسەت، داڭعازا اڭگىمەلەرىنە سەنۋدىڭ قاجەتى جوق. سوندىقتان ءبىز ەكپە سالۋ ناۋقانىن جالعاستىرامىز. ال كەيبىر جەكەلەگەن سالالاردا مىندەتتى تۇردە ۆاكسينا سالدىرۋ قاجەت بولادى، – دەدى توقايەۆ.
سونداي-اق مەملەكەت باسشىسى مىندەتتى ەكپە سالۋ كەزىندە اسىرا سىلتەۋ بولماۋى ءتيىس ەكەنىن ايتتى.
– بۇل – اركىمنىڭ ءوز وتانداستارى الدىنداعى مىندەتى، پارىزى. مىنانداي ەكى ماسەلەگە توقتالعىم كەلەدى. بىرىنشىدەن، مىندەتتى ەكپە سالۋ كەزىندە اسىرا سىلتەۋ بولماۋعا ءتيىس. مەديسيناق سەبەپتەرگە جانە بەلگىلى ءبىر جاعدايلارعا بايلانىستى ەكپە سالدىرمايتىن ادامدار بار. مەملەكەتتىك ورگاندار، اسىرەسە، مونيتورينگ جۇرگىزۋ توپتارى وسى ماسەلەنى ەسكەرۋى كەرەك، – دەدى ول.
پىكىر قالدىرۋ