"Shopan atا" ۇلتتىق مال وسىرۋشىلەر قاۋىمداستىعىنىڭ ءتوراعاسى الماسبەك سادىربايەۆ قۋاڭشىلىقتان بولىپ جاتقان مال قىرعىنى ماسەلەسىن شەشۋدىڭ 3 جولىن ۇسىندى.

مامان ماسەلەنىڭ شەشىمى پروبلەمانى مويىنداۋدان باستالۋى كەرەك دەپ سانايدى.

– قازىرگى بولىپ جاتقان جاعداي جۇت پا؟ جۇت! مىنە، وسىنى ۇكىمەت، بيلىك مويىنداۋى كەرەك. مويىنداعاندا عانا شەشىمگە بارادى. مويىنداماي جاتىپ "نە شەشەمىز؟" دەيدى. مەن استاناداعى ۇلكەن ەكى جينالىستا بولدىم. ەكەۋىندە دە ماعان "دوكاجي" دەيدى. مىنە، اڭگىمە نەدە؟ ال ولارعا اۋدانداردان تەرىس اقپارات كەلىپ جاتىر، – دەدى مامان Yesti podcast youtube جوباسىندا.

مال شارۋاشىلىعى مامانى ماسەلەنىڭ ەكىنشى شەشىمى رەتىندە جۇت جايلاعان ماڭعىستاۋ، ارال وڭىرلەرىندەگى شارۋاشىلىقتاردى سولتۇستىك، ورتالىق قازاقستانعا كوشىرۋدى ۇسىنادى.  سوزىنشە، قۋاڭشىلىق قىسقان ايماقتارعا ءشوپ تاسۋ ءتيىمسىز. "ءشوپ تاسۋ دەگەنىمىز – اۋا تاسۋ" دەگەن ول "اۋا تاسۋدى" توقتاتۋ كەرەكتىگىن ايتتى.

الماسبەك سادىربايەۆ سونداي-اق حالىق قولىنداعى مالىن تىركەۋدەن وتكىزۋ قاجەت ەكەنىن، شۇرايلى ايماقتارعا كوشە الماعان، مالى تىركەلگەن شارۋاعا جەم-شوپپەن كومەك بەرىلۋى قاجەتتىگىن، ارپا-بيدايدى شەتەلگە اسىرۋدى توقتاتا تۇرۋ كەرەگىن جەتكىزدى. مامان شارۋاعا كومەك بەرگەندە دە تەگىن ەمەس، "قۋاڭشىلىقتان كەيىن قايتاراسىڭ" دەپ بەرۋ كەرەك دەگەن پىكىردە.