قازاقستاندا وتكەن تاۋلىكتە 5317 ادامنىڭ پتر تەستى وڭ ناتيجە كورسەتكەن. 26 ادامنان پنيەۆمونيا انىقتالعان. 18 شىلدەدە  41 ادام كوروناۆيرۋستان، 7 ادام پنيەۆمونيادان كوز جۇمعان. بۇل تۋرالى دەنساۋلىق ساقتاۋ مينيسترلىگىنىڭ ەپيدەميولوگيالىق احۋال تۋرالى كۇندەلىكتى اقپاراتتىق حابارلاماسىندا ايتىلدى.

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلار سانى  494 222-گە جەتتى. ونىڭ ىشىندە 4997 ادام قايتىس بولعان. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 58631. ونىڭ 3541ء-ى كوز جۇمعان.

ۆيرۋستىڭ تارالۋى اسىرەسە نۇر-سۇلتان (1367)، الماتى (798)، شىمكەنت (470) قالالارىندا، قاراعاندى (689)، اتىراۋ (293)، باتىس قازاقستان وبلىستارىندا (204) ءورشىپ تۇر.

19 شىلدەدەگى مالىمەت بويىنشا، 58 887 ادام كوروناۆيرۋس ينفەكسياسىنان (–57 269 + جانە 1618 كۆي-) ەمدەلىپ جاتىر. ولاردىڭ ىشىندە 19 005 پاسيەنت ستاسيوناردا، 39 882 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 1047 ادامنىڭ جاعدايى اۋىر، 230 پاسيەنتتىڭ جاعدايى وتە اۋىر، 144 ناۋقاس ءوجج اپپاراتىندا جاتىر.

COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا 14 ءوڭىر كوروناۆيرۋستىڭ تارالۋى بويىنشا "قىزىل" ايماقتا تۇرعانىن حابارلادى.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى، الماتى، اقمولا، اقتوبە، اتىراۋ، باتىس قازاقستان، قاراعاندى، قوستاناي، قىزىلوردا، ماڭعىستاۋ، پاۆلودار جانە سولتۇستىك قازاقستان وبلىستارى "قىزىل" ايماقتا.

"سارى" ايماقتا جامبىل، تۇركىستان جانە شىعىس قازاقستان وبلىستارى تۇر.

جاسىل ايماقتا بىردە-بىر ءوڭىر قالمادى.