الماتى وبلىسىندا ۇيعىر اۋداندىق سوتىنىڭ سۋدياسىنا قاتىستى سوتقا دەيىنگى تەرگەۋ اياقتالىپ، سۋديا 9 جىلعا باس بوستاندىعىنان ايىرىلدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ مالىمدەدى، دەپ جازادى كتك تەلەارناسىنىڭ سايتى.

Cۋديا  ورمان شارۋاشىلىعىنىڭ ديرەكتورى يۋلداشوۆتان وبلىستىق سۋديادارعا بەرەمىن دەپ 12 ميلليون تەڭگە پارا العان. الايدا وبلىستىق سوت يۋلداشوۆتى سوتتاعان.

– 2021 جىلدىڭ 22 شىلدەسىندە تالدىقورعان قالالىق سوتى سۋديا سۇلەيمەنوۆتى 9 جىلعا باس بوستاندىعىنان ايىردى. سونداي-اق ول مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلدى، – دەدى بەكايداروۆ بريفينگتە.

يۋلداشوۆ پارا بەرۋگە وقتالعانى ءۇشىن، سىبايلاسى يميروۆ پارا بەرۋگە قاتىسقانى ءۇشىن  7-8 جىلعا باس بوستاندىعىنان ايىرىلدى. ۇكىم ءالى  زاڭدى كۇشىنە ەنگەن جوق.

ۇيعىر اۋداندىق سوتىنىڭ سۋدياسىنا قاتىستى تەرگەۋ بىلتىر قىركۇيەكتە باستالعان. ول جەكە تۇلعادان سوت اكتىسىن ونىڭ پايداسىنا شىعارعانى ءۇشىن اسا ءىرى مولشەردە پارا الدى دەگەن كۇدىككە ىلىنگەن.