XXXII جازعى وليمپيادا ويىندارىنىڭ ترانسلياسياسىنا قاتىستى جاپونيالىق "Dentsu Inc." كومپانياسىمەن كەلىسسوزدەر ناتيجەلى اياقتالدى. بۇل تۋرالى "قازاقستان» رترك" اق ءاسپاسوز قىزمەتى حابارلادى.
"قازاقستان" تەلەراديوكورپوراسياسى مەن "حابار" اگەنتتىگى" اق ەل اۋماعىندا توكيو وليمپياداسىن جانە 2022 جىلعى پەكيندە وتەتىن قىسقى وليمپيادا ويىندارىن كورسەتۋ قۇقىعىن يەلەندى. كەلىسىمشارت قورىتىندىسى بويىنشا ترانسلياسيا قۇنىن قولايلى باعادا ساتىپ الۋ تۋرالى ورتاق مامىلەگە قول جەتكىزىلدى. قازاقستاندىقتار 23 شىلدە مەن 8 تامىز ارالىعىندا توكيودا وتەتىن جازعى وليمپيادا ويىندارىن "Qazaqstan"، "Qazsport" جانە "حابار" تەلەارنالارىنان تىكەلەي ەفيردە كورە الادى" دەلىنگەن اقپاراتتىق حابارلامادا.
قازاقستان وليمپيادا سپورتتىڭ 27 ءتۇرى بويىنشا 97 ليسەنزيا جەڭىپ العان.
پىكىر قالدىرۋ