قازاقستاننىڭ اۋىر اتلەتيكا فەدەراسياسى توكيو وليمپياداسىنىڭ قولا جۇلدەگەرلەرى يگور سون مەن زۋلفيا چينشانلونى جاڭا تoyota Camry اۆتوموبيلدەرىمەن، سپورتشىلاردىڭ جەكە جاتتىقتىرۋشىلارى مەن قۇرامانىڭ باس باپكەرىن اقشالاي سىياقىمەن ماراپاتتايدى. بۇل تۋرالى اۋىر اتلەتيكا فەدەراسياسىنىڭ باسپا ءسوز قىزمەتى حابارلادى.
سپورتشىلارعا اۆتوكولىك كىلتىن فەدەراسيا پرەزيدەنتى جانات تۇسىپبەكوۆ جاقىن ارادا نۇر-سۇلتان قالاسىندا تابىستايدى.
توكيودا ءوتىپ جاتقان وليمپيادا ويىندارىندا 61 كەلىگە دەيىنگى سالماقتاعى يگور سون مەن 55 كەلىگە دەيىنگى سالماقتاعى زۋلفيا چينشانلو قولا مەدال جەڭىپ العان.
سارسەنبى كۇنى كەشكە سپورتشىلار قازاقستانعا ورالىپ، ولاردى الماتى قالاسىنىڭ اۋەجايىندا سالتاناتتى تۇردە قارسى الدى.
پىكىر قالدىرۋ